লেবীয় আজল্ কধাগান
আজল্ কধাগান
লেবীয়গুনো বোইবোর্ আজল্ বিষয়ান অলঅ পবিত্রতা। এ বোইবো ভিদিরে আঘে নানান্ বাবোত্যে অনুষ্ঠান পৌইদ্যেনে উগুম আর উবোসনাত্তে ইস্রায়েলীয়গুনোর শুদ্ধো-সাংগ অনা পৌইদ্যেনে উগুম্। ইস্রায়েলীয় ধর্মগুরুগুনোত্তে ইবে এক্কো এজাল্ পেবার্ বোই। ধূল্যেচর-চাগালাত্ থেবার্-তাম্বুলান থিদেবর্ গরানা বেপারান্দোই যাত্রা গরানা বোইবো থুম্ ওইয়্যে, আর লেবীয় বোইবোত্ উগুম্ দিয়্যে ওইয়্যেদে লেবীয়গুনে কেধোক্ক্যেনগুরি ধর্মগুরুগুনোর্ কামানি আর অনুষ্ঠানানি পালন গুরিবাক্। এ বোইবোত্ ইস্রায়েল্ জাদ্তোরে ফারক গুরিবার্ পৌইদ্যেনেয়ো বেক্কানি গমেডালে কুয়ো ওইয়্যে। ইয়েনত্ কুয়ো ওইয়্যেদে পবিত্র জাগাত্ গোজেন ইদু যেবাত্তে ইস্রায়েল্ জাদ্তোত্তুন পাপ আর ফি-বলাত্তুন্ দূরোত্ থাহ্ পুরিবো। গোজেনে চাই তা মানুচ্চুন্ যেন পবিত্র অন্, কিত্তে তে নিজে পবিত্র। মোশির লেখ্যে পাচ্চো বোইয়ো ভিদিরে লেবীয়গুনো বোইবো তিন লম্বরত্। এ পাচ্চো বোইয়োরে মাঝে মোধ্যে রীদি-সুদোম্অ কন্।
মূলুক্ মূলুক্ কধানি:
(ক) নানান্ বাবোত্যে উৎসর্বর্ কদক্কানি সুদোম (১-৭ লামা)
(খ) সেবা-কামত্তে ধর্মগুরুগুনোরে ফারক্ গরানা (৮-১০ লামা)
(গ) শুদ্ধো-সাংগ আর ফিবলা পৌইদ্যেনে কদক্কানি সুদোম্ (১১-১৫ লামা)
(ঘ) পাপ ঢাগি দিবার্ দিন্নো (১৬ লামা)
(ঙ) উৎসর্ব পৌইদ্যেনে আরঅ কদক্কানি সুদোম (১৭ লামা)
(চ) নিজোর্ আচার-বেবহার পৌইদ্যেনে কদক্কানি সুদোম (১৮-২২ লামা)
(ছ) লগেপ্রভু দিয়্যে নানান্ বাবোত্যে পরব্ (২৩ লামা)
(জ) অনুষ্ঠান আর চালচলন পৌইদ্যেনে সুদোম (২৪ লামা)
(ঝ) জিরেবার্-বজর আর ফিরি পেবার্ বজর (২৫ লামা)
(ঞ) আশিদ্বাদ আর অভিশাব (২৬লামা)
(ট) মান্যা ছিরেনা আর দশভাগত্তুন একভাগ দেনা পৌইদ্যেনে সুদোম (২৭ লামা)
S'ha seleccionat:
লেবীয় আজল্ কধাগান: CBT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Copyright © 2021 Bangladesh Bible Society