লেবীয় 1
1
পুজ্যে-উৎসর্ব
1-2একদিন্যে মিলন-তাম্বুল ভিদিরেত্তুন্ লগেপ্রভু মোশিরে ডাগিলো আর ইস্রায়েলীয়গুনোরে কবাত্তে কলঅ, যুনি তমা ভিদিরেত্তুন্ কনজনে লগেপ্রভুরে উৎসর্ব ইজেবে কিজু দিবাত্তে চায় সালে তে এক্কো য়েমান্ লোই এজোক্; সেই য়েমান্নো যেন কনঅ গোরু, ভেড়া বা ছাগল অয়।
3যুনি তে পুজ্যে-উৎসর্বর্ অনুষ্ঠান্ গোরুলোই গুরিবাত্যে চায় সালে সিবে থুদো নেইয়্যে গোরু উয়ো পুরিবো। লগেপ্রভু যেনে তা উগুরে হুজি অয় সেনত্তে তাত্তুন্ সে গোরুবো মিলন-তাম্বুল দোরান ইদু আনা পুরিবো। 4পুজ্যে-উৎসর্বত্তে আন্যে সে গোরুবোর্ মাঢা উগুরে তে তার্ আত্তান্ রাগেব; আর সিয়েন তার্ জাগানত্ তা পাপ্পান্ ঢাগিবাত্তে মানি নেযা অবঅ। 5সে পরেদি লগেপ্রভু মুজুঙোত্ তে সেই গোরুবো কাবিবো আর হারোণর্ ধর্মগুরু পূঅগুনে সিবের্ লো-গান লোইনে মিলন-তাম্বুল দোরান ইদু রাগেয়ে পুজোবোর্ চেরোকিত্তে ছিদি দিবাক্। 6উৎসর্ব গুরিয়েবো সে পুজ্যে-উৎসর্বর গোরুবোর্ চামান্ সুলিইনে তার্ য়েরাগান্ কট্টা কট্টা গুরি কাবিবো। 7ধর্মগুরু হারোণর্ পূঅগুনে সে পূজোবো উগুরে আগুন জ্বালেইনে তা উগুরে তক্তা সাজেবাক্। 8পরেদি তারা পূজোবো উগুরে জ্বোল্-জ্বোল্যে তক্তা উগুরে সে গোরুবোর্ মাঢাবো, তেলানি আর য়েরাগানর্ কট্টানি সাজেবাক্। 9উৎসর্ব গুরিয়েবো সিবের্ টেঙান্ আর পেদ ভিদিরে বেক্কানি পানিলোই ধোই দিবো আর ধর্মগুরুবো সিয়েনি সুদ্ধো পুরো গোরুবো পূজোবো উগুরে পুড়ি ফেলেব। ইবে পুজ্যে-উৎসর্ব, আগুন্দোই-গোজ্যে উৎসর্ব ভিদিরে এক্কো, যিবের্ তুম্বাজে লগেপ্রভু হুজি অয়।
10“এ পুজ্যে-উৎসর্ববোর্ অনুষ্ঠানান্ যুনি ভেড়া বা ছাগল্লোই গরা অয় সালে সিবে এক্কো থুদো নেইয়্যে পাদা ভেড়া বা ছাগল উয়ো পুরিবো।” 11উৎসর্ব গুরিয়্যেবো সিবে পূজোবোর্ উত্তোরেন্দি নেযেইনে লগেপ্রভু মুজুঙোত্ কাবিবো, আর হারোণর ধর্মগুরু্ পূঅগুনে তার্ লো-গানি নিইনে পূজোবোর্ চেরোকিত্তে ছিদি দিবাক্। 12উৎসর্ব গুরিয়্যেবো সিবে কট্টা কট্টা গুরি কাবিবো আর ধর্মগুরুবো তার্ তেলানি, মাঢাবো আর য়েরাগানর্ কট্টানি লোইনে পূজোবো উগুরে জ্বোল্-জ্বোল্যে তক্তা উগুরে সাজেব। 13উৎসর্ব গুরিয়্যেবো সিবের্ টেঙানি আর পেদ ভিদিরে জিনিস্ছানি পানিলোই ধোই দিবো আর ধর্মগুরুবো সিয়েনি লগে বেক্ য়েমান্নো পূজোবো উগুরে পুড়ি ফেলেব। ইবে পূজ্যে-উৎসর্ব, আগুন্দোই গোজ্যে উৎসর্ব ভিদিরে এক্কো, যিবের্ তুম্বাজে লগেপ্রভু হুজি অয়।
14“লগেপ্রভু নাঙে এ পূজ্যে-উৎসর্বর্ অনুষ্ঠানান্ যুনি কনঅ পেগ্কোই গরা অয় সালে উৎসর্ব গুরিয়্যেবোত্তুন্ এক্কো কঅ অথবা কোদোর্ আনা পুরিবো।” 15ধর্মগুরুবো সিবে পূজো ইদু নেযেব আর তার্ মাঢাবো মুজুরিনে গত্তনাবোত্তুন্ ফারক গুরিনে পূজোবো উগুরে পুড়ি ফেলেব আর লো-গান্ চিবিনে নিগিলেই পূজোবোর্ একডাগেন্দি উগুরে ফেলেবে। 16উৎসর্ব গুরিয়্যেবো পেক্কোর্ গত্তনা নোরোলিবো আর সিবে ভিদিরে বেক্কানি পূজোবোর্ পুগেন্দি ছেইয়ো গাদত্ ফেলে দিবো। 17সেই ডুয়োগান্ ধুরিনে পেক্কো এমন্গুরি ছিনিবে যেন সিবে দ্বিকট্টা ওই ন-যায়। পরেদি ধর্মগুরুবো সিবে নেযেইনে পূজোবো উগুরে জ্বোল্-জ্বোল্যে তক্তা উগুরে পুড়ি ফেলেব। ইবে পূজ্যে-উৎসর্ব, আগুনোত্-গোজ্যে উৎসর্ব ভিদিরে এক্কো, যিবের্ তুম্বাজে লগেপ্রভু হুজি অয়।
S'ha seleccionat:
লেবীয় 1: CBT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Copyright © 2021 Bangladesh Bible Society