NAHUM 1
1
1Nineveh khua kong bia: Elkosh khuami Nahum nih langhnak a hmuhmi ṭialnak cauk. #Isa 10.5-34; 14.24-27; Zef 2.13-15
2 Bawipa cu a nah a chuakmi Pathian
a si, phuhlam a duhmi Pathian a si;
Bawipa nih cun phu a hlam hna i
khulrang in a thin a hung.
3 Bawipa cu phuchim le ṭotho in a kal i
khuadawm hna cu a ke toi i
leidip an si.
4Rili kha a sik i a carter dih, tiva vialte
kha a kaoter dih hna.
Bashan le Karmel cu an uai i
Lebanon i thing corh no hna cu
an car.
5A hmaiah tlang pipi kha an i
hnih i tlang hme deuhdeuh hna
kha an i let,
A hmaiah vawlei le a cung i a ummi
vialte hna cu i tuaibur in an um.
6Ahodah a thinhunnak hmaika ah
cun a dir kho lai?
Aho nih dah a thinlinhnak cu
an dawnh khawh lai?
A thinhunnak cu mei tiva bantukin
a luang i a hmaiah lung hna cu
an ti dih.
7Harnak caan ah amah aa bochanmi
caah cun Bawipa cu a fekmi
himnak a si;
Amah nih ka chanh seh, ti a duhmi
paoh cu a zohkhenh hna.
8Tilian nih thil a hrawh bantukin
a hrawh hna i
Sihmanhsehlaw amah a dohtu
a ral hna cu
khuamui chungah a dawi hna.
9Zeicahdah Bawipa dohnak
na tuah?
Na donghnak an phakter lai;
Ahohmanh nih voi hnih an do kho lo.
10Hling nih a ngerhmi le zuri
bantuk le a romi capawl
bantukin na kang dih lai.
11Nineveh, nangmah chungin
fimchimtu ṭhalo pakhat a chuak i
Bawipa dohnak khua kha a khan,
12Hihi Bawipa nih a mi Israel mi hna
sinah a chimmi cu a si;
“Assiria mi cu ṭhawng in tam hna
hmanh seh law
an rawk lai i an lo lai.
Ka mi hna, harnak kan inter hna,
sihmanhsehlaw
kan inter ti hna lai lo.
13Assiria nih nan hngawng ah an in
banhmi hna hngawngkual kha
ka khiah lai i an in khih hnanak
cikcin kha ka chah lai,
tiah a ti.
14Assiria mi kong ah Bawipa nih
hitihin nawlbia a chuah;
“Phuntungtu ngei loin ka tuah
hna lai.
An Pathian hna biakinn chung milem
vialte kha, suaimi he thletmi he,
ka hrawh dih hna lai.
Nannih Assiria mi hna,
nan caah thlan ka co lio —
nun awk nan i tlak lo, a ti.
15Zohhmanh u!
Thawngṭha a rak phortu ke khi
tlang cungin a ra lio!
Teinak thawng kha amah nih cun
a thanh lai.
Judah mi hna, nan puai cu
tuah hna u law
Pathian sinah nan i kammi kha pe u,
Miṭhalo nih nan ram kha
an luhhnawh ti lai lo.
Annih cu hrawh dih cikcek
an si cang, #Isa 52.7
S'ha seleccionat:
NAHUM 1: HCL06
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Lai (Hakha) Common Language Bible © Bible Society of Myanmar 2006