Rom‑dãmbã 16
16
Pʋʋsem la saglse
1Mam tʋmda d ba-bi-poak a Feebe yãmb nengẽ. A yaa Sãnkre wẽnd doogã yel-gɛt poaka. 2Reeg-y-yã-a Zu-soaba pʋgẽ, wa sẽn zems nin-sõamyã maanego. Bũmb sã n wa n beẽ fãa t'a rat yãmb sõngre, bɩ a paam yãmba, bala, a sõnga neb wʋsgo, la a sõnga maam me.
3 #
Tʋʋm 18.2
Pʋʋs-y-yã a Piriska ne a Akilaas sẽn yaa mam tʋmd-n-taas a Zeezi Kiris tũudmã pʋgẽ wã. 4B gẽnega b yõor n na n fãag maam. Ka maam n yembr n bal n pʋʋsd-b bark ye, buud a taabã wẽnd-dotã fãa me pʋʋsd-b lame. 5Pʋʋs-y nin-tũusds nins sẽn be bãmb zakẽ wã me. Pʋʋs-y m zo-nongr a Epayinet sẽn yaa Aazi soolmã dẽenem biis#16.5 Dẽenem biisi: Zĩ-kãngã rat n yeelame tɩ yaa a Epayinet n yɩ pipi Aazi soolmã pʋg n lebg Kiris neda. Kiris yĩnga. 6Pʋʋs-y-yã a Maari sẽn nams a meng wʋsg yãmb yĩngã. 7Pʋʋs-y-yã a Andronikuus ne a Zunyaas sẽn yaa mam ba-rãmba la m zĩnd-n-taas bi-bees roogẽ. B yaa neb tẽn-tʋmdbã sẽn nong wʋsgo, la b pʋs n denga maam n lebg Kiris nebã.
8Pʋʋs-y-yã a Ampilyatuus sẽn yaa mam zo-nongr Zu-soabã pʋgẽ wã. 9Pʋʋs-y-yã a Yʋrbẽ sẽn yaa tõnd tʋmd-n-taag Kiris pʋgẽ, la y pʋʋs m zo-nongr a Ɛstakiisi. 10Pʋʋs-y-yã a Apelɛɛse, sẽn modg Kiris tũudmã pʋgẽ wã. Pʋʋs-y-yã a Aristobull zaka rãmba. 11Pʋʋs-y m saam-biig a Eroodyõ. Pʋʋs-y neb nins sẽn be a Narsiis yirã n be Zu-soabã pʋgẽ wã. 12Pʋʋs‑y-yã a Tirfɛn ne a Tɩrfooze, tɩ b yaa pagb sẽn modgd b mens Zu-soabã yĩnga. Pʋʋs-y d zo-nongr a Pɛrsɩɩd sẽn modgd a meng wʋsg Zu-soabã yĩnga. 13#Mark 15.21Pʋʋs-y-yã a Rufuus sẽn yaa nin-yãkdg Zu-soabã pʋgẽ wã, la y pʋʋs a ma sẽn yaa mam me ma wã. 14Pʋʋs-y-yã a Asẽnkirti, ne a Felgõ, ne a Ɛrmeese, ne a Patrobaase, ne a Hɛrmaas ne ba-biis nins sẽn be ne bãmbã. 15Pʋʋs-y-yã Filolog ne a Zuli, a Neere ne a ma-bi-poakã, la a Olẽmpas ne nin-sõamyã nins fãa sẽn be ne bãmbã. 16Pʋʋs-y taab ne mok-sõngo.
Kiris Wẽnd-dotã fãa toonda yãmb pʋʋsem.
17M ba-biisi, mam sagenda yãmb tɩ y gũus ne neb nins sẽn wat ne welgre la bõn-lakdse, tɩ kɩɩsd zãmsg ning yãmb sẽn paamã. Zãag-y y meng ne-ba. 18Bala, neb a woto ka tʋmd tõnd Zu-soabã, Kiris yĩng ye, yaa b mens pʋs yĩnga. B belsda neb nins sẽn ka yamã ne gom-noodo la ne pẽgre. 19Sã n yaa ne yãmba, nebã fãa mii yãmb sakrã yelle. Mam sũur nooma ne yãmb yellã, la mam nongame tɩ yãmb bãng yam ne bũmb nins sẽn yaa sõama, la y yɩ yɩlma n da maand wẽng ye. 20Bilf sã n paase, Wẽnnaam na n luba a Sʋtãan tɩ yãmb tab-a ne y nao wã. Bɩ tõnd Zu-soab a Zeezi barkã zĩnd ne yãmba. 21#Tʋʋm 16.1Mam tʋmd-n-taag a Tɩmote ne a Lusiyuus la a Zaazõ la Sozipatɛɛr sẽn yaa m saam-biisã pʋʋsda yãmba. 22Maam a Tɛrtiuusi, sẽn gʋls seb-kãngã Zu-soaba pʋgẽ wã pʋʋsda yãmba. 23#Tʋʋm 19.29, 1Kor 1.14, 2Tɩm 4.20Mam gãag-soab a Gayuus sẽn yaa Wẽnd-do-tõrã gãag-soabã pʋʋsda yãmba. A Erast sẽn yaa tẽngã ligd-gũudã pʋʋsda yãmba. D ba-biig a Kartuus me pʋʋsda yãmba. 24[Bɩ tõnd Zu-soab a Zeezi Kiris barkã zĩnd ne yãmb fãa. Ãmina.] 25Bɩ soab ning sẽn tar-a pãn-tõog tɩ kɩt tɩ yãmb yals kãenkãe wa koe-noogã mam sẽn moondã sẽn yetã, wa sẽn zemsd ne yel-solemdã pukri, yel-solemd ning sẽn dag n solg hal sɩngr wẽndẽ wã. 26La moasã, Wẽnnaam no-rɛɛsdbã pĩnd-n-bãngr goamã sɛb puk-a-la wa Wẽnnaam sẽn ka sɩngr kõn zĩnd saabã sẽn yeelã, n wilg soolem-dãmba fãa nebã, tɩ b tõe n sak tẽebã. 27Bɩ Wẽnnaam, sẽn yaa b yembr tãa n yaa yam soabã soog ziiri, wakat fãa, a Zeezi Kiris maasem yĩnga. Ãmina!
S'ha seleccionat:
Rom‑dãmbã 16: MPBU
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Moore Bible © Bible Society of Burkina Faso, 2014.