VAEBRANIA 5
5
1Mashika wo Nkohani Nniini akee imwiipoo efo vanduny mmbo akeembike kimaruma kya vandu navafurukannyi mbee ya Iruva, naniingye firaso na fyaanu kimaruma kya ulyamari. 2Yeto ashidimaa ivallya nawo waarya yewo varung'ani na vakeereka, kimmba naakwa ni we avekee na ngata ya ufwafwa. 3Na kimmba ni indo mmbo kyinkooye naute firaso kimaruma kyakwe we muni na kya vandu vengyi kya isangywa ulyamari. 4Nta nkwiiyo nndu ashidimaa itafurau nnduma yeu-fo, kuuta yeto Iruva ammuvaanga, shaasa alevaanga Aron. 5Na kiwo-da naakwa ni Kristo nnyalekurosa we muni kava Nkohani Nniini-fo, mmbo kwiifo yeto alemmbia,
Ni yewe Mwana wakwa.
Inu mmbo shakwiira.
6Na ando engyi kaamba,
Nnyewe Nkohani llung'anu
kuvakkye Melekizedeki.
7We kyeeri ekyo ekee na mwiili, yeto ashidimaa imwauwa ufuny mmbo alensheya, kimaruma kya fiterewo na fyeerero na misoru miingyi, kaaranywa kimmba aleirikya Iruva. 8Na lla elyi akee Mwana, mmbo alesisirya makyiva yoo alenkooya; 9Na kyeeri alemaa iinutya, kava mmbwe mweende ukiro lwa llung'anu kwa yewo vemwirikya. 10Na Iruva kaamba mmbo akee Nkohani Nniini kimwi sha Melekizedeki.
Wiikyimbi kya ulyang'a
11Kimaruma kya yeto mmbo lutiri findo fiingyi fyeyaamba, lyo kyikava kyuumu mashika elyi mukee varoo iita. 12Mashika alya kyemukooye muve yeni mmbo velosha (mashika kwamiira-u fyeeri fyaasha), lyo fika ulaalu mmbo mukee veloshwa ufundo lwa mbee deny lwa mbony yeti ta Iruva, mukava sha vana vanaa malela vakalemwa shoonga shuumu. 13Mashika yeto moose mwiina malela nnyamanyaa deny marero a usumanu-fo, mashika ni mwana nndu. 14Kyaindi shoonga shuumu nnya vandu vaniini, yewo kimaruma kyekwishivira urango lwawo lwammidima itambashwa kyisha na kyikasha.
S'ha seleccionat:
VAEBRANIA 5: MAS2
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The Holy Bible in Kimashami © Bible Society of Tanzania, 2016.