1 VATESALONIKE 4
4
Muu usennyi Iruva
1Kyasaa-u ulaalu vanavama mmbo lwamwiikyimba na imutereva: musore Nndumi Yesu, shaasa lulemoora yese shaasa kisumani musenyi Iruva, shaasa yeni mukai, mweengere itana indo. 2Mashika mwiishi ni mavavaso-kyi lulemuniinga musore Nndumi. 3Mashika ni indo Iruva akundye, mukooye iilyiswa, mulakani na utuusi. 4Wo umwi waany namanyi shaasa akaa na nka wakwe muni nakae akee mweele naveva na wiindi, 5nta nalasoraa lango sheesi, sha vandu va masanga valaishi Iruva-fo. 6Kulave nndu alemba ungyi kindo nta illyamarya kya efi-fo, mashika Nndumi mmbwe yeto ataiyaa findo fyoose shaasa lulemuvia uka mapookyony lwimukureekyaa nnu. 7Mashika Iruva nnyaleluvaangya ngata ya ukyirinda-fo, mmbo akundye lukooye iilyiswa. 8Kyasiany, yeto alema yefi nshi alemmya nndu wa vandu-fo mmbo alemmya Iruva yeto amulyimmya yeni Mumuyo wakwe Mweele.
9Kya mbony ta ikundana nta nshitiri kimaruma kya imureiya-fo, mashika yeni muveni mmbo mukeevaloshe ikundana ni Iruva muni. 10Mashika mmbo mukeyoora ekyo kwa vakristo woose va Makedonia koose. Naasa lukamuterevany mweengere deny itana indo. 11Na kingyi-se, kutakureny irunda mashora any, murunde mashora na maako any muveni shaasa lulemuvia; 12naambo moore wiindi kwa yewo valakee Vakristo na nta mulatafukwaa nkindo.
Nndumi akeesha
13Lyo vanavama, llukundye mure mulamanya kya valya valellala-fo; naambo elyi numa mulasheesokyo mfyoova sha vandu valatiri kindo vavikye nsia. 14Mashika kwakooya lwiirikye sheelyi Yesu mmbo alefwa karuka, naakiwo neewo valellala vekee na Yesu, Iruva mmbo ashevaviiraa-se ando amwi nawe. 15Ekyi mmbo lwamuvia na irero lya Nndumi, sheelyi yese lukee na muu ulaalu lushesaa-u fika nkonu yeto Nndumi ashewuyaa nato, dede lyo llushesongoyaa yewo valellava ilala kya ufu-fo. 16Mashika Nndumi we muni mmbo asheolokaa auka iruveeu na unyanga luvangaa, lwa nsu ulya nniini na iranda lya Iruva, na valya valefwa vekee na Kristo mmbo vashesongwaa irutwa mbele. 17Numa llyo yese lukee na muu, lusee-u, lusherakuwaa-u lusandwa nawo efo mafishiny lundeambya Nndumi efo uwe; naasa lushekaa na Nndumi llung'anu. 18Naasany, viiryaniny muu na marero yoo.
S'ha seleccionat:
1 VATESALONIKE 4: MAS2
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The Holy Bible in Kimashami © Bible Society of Tanzania, 2016.