1 VATESALONIKE 3
3
1Naasa kyikeeny indo, lwiikyilemwa isisirya mmwasi, lukalollya nkyeni lurewa Atene yese luveni. 2Lukaruma mwanamaye weeru Timoteo akee nndundi wa Iruva mwiirundya Nrumi ya Nsia ya Kristo, naambo namuvangise neemuviiryaa muu kikusiryony kyany; 3kulave nndu asavaa kimaruma kya ngatara eti, mashika lyo yeni muveni mwiishi sheelyi mmbo tiluvereye. 4Mashika kyeeri lweekee kwany mmbo lwesongwa imuvia sheelyi ngatara tisheshaa, nakyo kikaveva indo, mukamanya. 5Nkyo kimaruma kyeeri shilelemwa isisirya mmwasi, shileruma nndu nashemusaiya nalole kyikusiryo kyany, kulakooye nkumbi ashemweesa, yeni na usisiryo lwany luve ruu. 6Kyaindi kyeeri Timoteo alesha auka kwany, mmbo alelweengye mbony shisha ta kyikusiryo kyany, na ta ukundi lwany, kaveluvia shaasa mukee ilukumbwa nisha nkonu simu, na ilanga nnu ilulollya shaasa neese lulangye imulollya. 7Kyimmba ni indo vanavama, kya mbony yeto tany mmbo lulewuiyo nnu mmuu, lla elyi lweetirwa nngatara shiroo, kyikusiryo kyany kyikafweera fyoose. 8Yese mmbo lukee na muu kwankooya neeni muselelyi kwa Nndumi. 9A ndesa nkyoki lushidimaa itaa Iruva kive kyaanu kimaruma kya kyikusiryo kyany mashika a ifura lyilutiri mbee ya Iruva weeru? 10Kio na nsanyiny mmbo lukeetereva Iruva naambo lwiidimi imulollya, na iishurya-u fyilya fyaanguye-u efo iirikyony lyany.
11Naasany we Iruva Nde weeru muni, na Nndumi weeru Yesu namusongoye shia naambo lushe kwany. 12Nndumi namuvangise na imwengerya ikunda muveni na veni na kwa vengyi woose, shaasa neese lumukundye; 13naambo navangise mirima yaany ikae ikee mivaramise ilatiri kyiteve mbee ya Iruva, Nde weeru, ivereye isha lya Nndumi weeru Yesu ando amwi na veele vakwe woose.
S'ha seleccionat:
1 VATESALONIKE 3: MAS2
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The Holy Bible in Kimashami © Bible Society of Tanzania, 2016.