Orubara 1
1
Abaisiraeli nibabarwa elya mbere
1Omukama akagambira Musa Omw'Irungu lya Sinai, omw'Ihema ly'Omuterano, aha kiro kya mbere ky'omwezi gwa kabili, omu mwaka gwa kabili kwema barugire Misiri, ati, 2“Mubare eihanga lyona ly'Abaisiraeli kuhonderana n'enganda zabo n'ebika byabo. Mubare buli muntu ibaralye, araba ali mushaija wena; 3kwema aha myaka 20 kutemba, buli Mwisiraeli alikushobora kutabara. Iwe na Aroni mubabare nk'okwo amahe gabo gali. 4Kandi mweme n'omuntu omoi kuruga buli ruganda, mara abe ali mukuru w'oruganda orwo. 5Aga nigo mabara g'abantu abo murayema nabo. Omu ruganda rwa Rubeni: Elizuri eya Shedeuri; 6omu ruganda rwa Simeoni: Shelumieli eya Zurishadai; 7omu ruganda rwa Yuda: Nashoni eya Aminadabu; 8omu ruganda rwa Isakari: Natanaeli eya Zuari; 9omu ruganda rwa Zabuloni: Eliabu eya Heloni; 10omu ba Yozefu, omu ruganda rwa Efuraimu: Elishama eya Amihudi; n'omu rwa Manase: Gamalieli eya Pedazuri; 11omu rwa Benjamini: Abidani eya Gideoni; 12omu rwa Dani: Ahiezeri eya Amishadai. 13Omu rwa Asheri: Pagieli eya Okarani; 14Omu rwa Gadi: Eliasafu eya Deweli; 15kandi omu rwa Nafutali: Ahira eya Enani.” 16Aba nibo bakuru b'enganda za Isiraeli abaronzirwe omw'ihanga.
17Musa na Aroni batwara abashaija aba abagambwa amabara, 18kandi aha kiro kya mbere ky'omwezi gwa kabili, bahuruza eihanga lyona aho abantu behandikisa buli muntu na ibaralye kuhonderana n'enganda zabo n'amahiga gabo, kwema aha myaka 20 kutemba, 19nk'okwo Omukama yahangiire Musa. Kityo hakababalira Omw'Irungu lya Sinai.
20Oruganda rwa Rubeni, omuzigaijo gwa Isiraeli, kuhonderana n'ebika byabo n'amahiga gabo buli muntu na ibara, kaishe mushaija kwema ow'emyaka 20 kutemba, bona ababaire nibashobora kutabara omu ndashana: 21Ab'oruganda rwa Rubeni bakaba bali 46,500.
22Omu ruganda rwa Simeoni, kuhonderana n'ebika byabo n'amahiga gabo ababazirwe buli muntu na ibara, kaishe mushaija ow'emyaka 20 kutemba, bona ababaire nibashobora kutabara omu ndashana: 23Ab'oruganda rwa Simeoni bakaba bali 59,300.
24Omu ruganda rwa Gadi, kuhonderana n'ebika byabo n'amahiga gabo kwema myaka 20 kutemba, bona ababaire nibashobora kutabara: 25Bakaba bali 45,650.
26Omu ruganda rwa Yuda, abanyaruganda, kuhonderana n'amahiga gabo, nibyo bika byabo, orubara rwabo buli muntu na ibara, kwema aha myaka 20 kutemba, buli mushaija ayabaire nashobora kutabara 27bakagoba abantu 74,600.
28Omu ruganda rwa Isakari, abanyaruganda, kuhonderana n'amahiga gabo, nibyo bika byabo, orubara rwabo buli muntu na ibara, kwema aha myaka 20 kutemba, buli mushaija ayabaire nashobora kutabara: 29Omu ruganda orwo rwa Isakari, orubara bakagoba 54,400.
30Omu ruganda rwa Zabuloni, abanyaruganda, kuhonderana n'amahiga gabo, nibyo bika byabo, orubara rwabo buli muntu na ibara, kwema aha myaka 20 kutemba, buli mushaija ayabaire nashobora kutabara: 31Omu ruganda rwa Zabuloni orwo orubara rwabo bakagoba 57,400.
32Omu ruganda rwa Yozefu, nirwo ruganda rwa Efuraimu, abanyaruganda kuhonderana n'amahiga gabo, nibyo bika byabo, orubara rwabo buli muntu na ibara, kwema aha myaka 20 kutemba, buli mushaija ayabaire nashobora kutabara: 33Omu ruganda rwa Efuraimu orwo orubara rwabo bakagoba enkumi 40,500.
34Omu ruganda rwa Manase, abanyaruganda, kuhonderana n'amahiga gabo, nibyo bika byabo, orubara rwabo buli muntu na ibara, kwema aha myaka 20 kutemba, buli mushaija ayabaire nashobora kutabara: 35Omu ruganda orwo rwa Manase orubara rwabo bakagoba 32,200.
36Omu ruganda rwa Benjamini, abanyaruganda, kuhonderana n'amahiga gabo, nibyo bika byabo, orubara rwabo buli muntu na ibara, kwema aha myaka 20 kutemba, buli mushaija ayabaire nashobora kutabara: 37Omu ruganda orwo rwa Benjamini orubara rwabo rukagoba 35,400.
38Omu ruganda rwa Dani, abanyaruganda, kuhonderana n'amahiga gabo, nibyo bika byabo, orubara rwabo buli muntu na ibara, kwema aha myaka 20 kutemba, buli mushaija ayabaire nashobora kutabara: 39Omu ruganda orwo rwa Dani orubara rwabo bakagoba 62,700.
40Omu ruganda rwa Asheri, abanyaruganda, kuhonderana n'amahiga gabo, nibyo bika byabo, orubara rwabo buli muntu na ibara, kwema aha myaka 20 kutemba, buli mushaija ayabaire nashobora kutabara: 41Omu ruganda orwo rwa Asheri orubara rwabo bakagoba 41,500.
42Omu ruganda rwa Nafutali, abanyaruganda, kuhonderana n'amahiga gabo, nibyo bika byabo, orubara rwabo buli muntu na ibara, kwema aha myaka 20 kutemba, buli mushaija ayabaire nashobora kutabara: 43Omu ruganda orwo rwa Nafutali orubara rwabo bakagoba 53,400.
44Abo nibo babazirwe. Nibo Musa na Aroni babazire nibajunwa abebembezi ikumi na babili ba Isiraeli buli omoi omw'ibara ly'orugandarwe. 45Kityo orubara rwona rw'Abaisiraeli, kuhonderana n'enganda zabo, kwema aha myaka makumi gabili kutemba, buli mushaija ayabaire nashobora kutabara: 46Orubara rwona bakagoba 603,550.
47Nawe Abalevita tibabalirainwe nabo kuhonderana na ruganda rwabo. 48Ahakuba Omukama akagambira Musa ati, 49“Oruganda rwa Levi rwonkai nirwo otalikwija kubara. Otakubabalirana na Baisiraeli. 50Abalevita obakwase Eihema lyange elyo nyikaramu hamoi n'ebikwato byalyo byona. Balilebelere, kandi basisiirega balizingoire. 51Orwo Eihema liraijaga kusimbuka Abalevita babe nibo balisimbura. Kandi orwo liraijaga kusimbwa, Abalevita babe nibo balisimba. Kandi k'omuntu ondijo aliligobaho, ogwo bamwite. 52Abaisiraeli bate nibatera amahema gabo kuhonderana n'emitwe yabo. Buli muntu atere Eihemalye omu rusisira rw'aba wenene mara mbali ebendera y'eihelye eli. 53Kyonkai Abalevita basisiire bazingoire Eihema elyo nyikaramu, ntalija nkanigalira kubi nteko y'Abaisiraeli. Abalevita abo balebelere Eihema elyo nyikaramu.” 54Abaisiraeli nikwo bakozire. Bakakora byona okwo Omukama yabihangiire Musa.
S'ha seleccionat:
Orubara 1: RHAY01
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Ruhaya DC Bible © Bible Society of Tanzania, 2001.