Eby'abalevita 12
12
Okwezibwa kw'abakazi abamara kuzara
1Omukama agambira Musa ati, 2Ogambire Abaisiraeli oti, K'omukazi aratwaraga enda akazara omwana w'omwojo, aho alihagara ebiro mushanju; alihagara nk'okwo ahagara agiire omu birobye. 3Aha kiro kya munana omwana bamutahiri. 4Aho nyina mwana agendelere ebiro makumi gashatu na bishatu by'oruzaliro. Atalikwata kintu kyona kyona ekitakatifu, anga kutaha ahatakatifu, kuhika orwo ebiro by'oruzalirorwe bilihwa. 5Kyonkai k'arazaraga omwana w'omwisiki, aho alihagara amalimansi gabili, nk'okwo aba agiire omu birobye. Kandi agendelere ebiro nkaga na mukaga by'oruzaliro.
6“Orwo ebiro by'oruzaliro bilihwa byaba bya mwojo anga bya mwisiki, aleterega omukuha aha mulyango gw'Eihema ly'Omuterano omwana gw'entama gw'omwaka gumoi gw'ekihongo ky'okwokibwa, n'ekiba kito anga entungurumaiba y'ekihongo ky'enyatano y'obufu. 7Omukuhani agihongega omu maisho g'Omukama agilire omuzaire ogwo enyatano. Aho nirwo nyina mwana aliruga omu ruzaliro, akera. Eli iteka lya nyina mwana, n'orwo arazaraga omwojo anga omwisiki. 8K'araburwaga kubona omwana gw'entama, aho atware entungurumaiba anga ebiba bibili ebito: Ekimoi ky'ekihongo ky'okwokibwa, ekisigaire ky'ekihongo ky'enyatano y'obufu. Omukuhani aramugiliraga enyatano, aho arabaga ayezire.”
S'ha seleccionat:
Eby'abalevita 12: RHAY01
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Ruhaya DC Bible © Bible Society of Tanzania, 2001.