Zacarias 3
3
Ja Dyosi, mi ya stup ja smul ja schonab'ili
1-3B'a otro jwayich ja kila ja Josue ti tek'an b'a sti sat ja yanjel ja Dyosi. Jaxa Josueji ye'n mas niwan ja ya'tel yuj ja pagre jumasa, sok sle'ani smula; ja'yuj ja b'a jwayichi, kila ja sk'u' wa slapa b'a pagre'ili, jel kux ay. Jaxa anjel ma' wa sk'ela ja mulali, tey b'a lado stojol sk'ab' ja Josueji, chapan xta ay b'a oj yal ja mulal b'a sti sat ja Dyosi. Jaxa Dyosi, ti yal yab' ja yanjeli:
—Anjel ma' wa sk'ela mulal, ta yuj k'a ay ma' oj ya'yi wokol ja Dyosi, ja jawi, we'nani'a. Jach jastal stsa'a ja Dyos ja chonab' Jerusaleni, cho jach'ni ja winik iti, ya'ta el libre ja b'a yoj wokoli—.
4Tsa'an ja yanjel ja Dyosi, sk'uman sb'aj sok ja ma'tik wax koltaji yuji, yal yabye a sop'e yi ja skuxil k'u' ja Josueji. Jaxa Josueji, ti yal yab'a: —Ti'xa na'a jch'ayata a wi spetsanil ja wa muli. Ja'yuj ja juts'in ojxa ka' a lap jun a k'u' b'a sak lek—.
5Ti'toni tek'an tiw ja yanjel ja Dyosi, ti yala yab' ja ma'tik wax koltaji yuj a ya'we slap jun skorona b'a mini jun skuxil ay, jaxa ye'nle'i, jach'ni sk'u'lane'a. 6Yaj ni ch'ak yawe slap ja sk'u'i, ti alji yabye yuj ja anjeli:
7-8—Jach' wax yala ja Dyos it jel ja yipi:
Ke'n jtsa'awa
b'a mandaranum yuj ja pagre jumasa.
Ta yuj k'a oj ja k'u'uk ja mandar jumasa
cho yuj k'a jun lekil pagre'a,
we'n oj ka'a talna ja snajtsil ja tsomjeli.
Mi kechanuka, oj cho ka' jun niwan a wa'tel
ja b'ay ja ma'tik mas mojan aye jmok wax ya'teltayone'i.
Jaxa we'nlex pagre jumasa b'a kanyexta,
jachuk ja we'nlexi, cho maklayik lek,
ja we'nlexi, oj ja je'ex jun lekil modo:
Ke'n oj kal oj ja k'u'lukex mandar pilan majke b'a Israel
yuj ja ka'tijum jtsa'uneji.
9-10—K'elawil Josue—
B'a sti wa sati, ti ka'oj jun tona—
Jun ton ay juke sts'e'el.
B'a ton jawi, ay jas oj ts'ijb'a,
b'a jun ita k'ak'u oj ch'ak kus el
ja smul spetsanil ja swinikil ja lu'um iti.
Yaj nix k'ot ja k'ak'u jawi,
Oj slok tala'uk sb'aje
b'a oj kulanuke b'a yib' te' jumasa,
b'a jel gusto oj ajyuke
ja sts'usub'e jumasa sok ja higo jumasa.
Ke'n Dyos yuj ja israelenio,
ja jas wax kala yujni jach' oj k'u'luka—.
S'ha seleccionat:
Zacarias 3: YABD
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© Sociedad Bíblica de México 2021