Hageo 2
2
Ja schab'il lo'il alji yab' ja Hageo
1B'a yajtab' jun tajb'e sok june ja yixawil Etanimi,#2:1 yixawil Etanimi: Ja sjukil ixaw b'a jab'il yuj ja judio jumasa, jaxa b'a jtiempo ke'ntiki, snalan ja ixaw b'a septiembre sok snalan ja yixawil octubre. ja tiempo it ja alji yab' yuj ja Dyos ja aluman Dyos Hageo 2ja lo'il it sb'aj Zorobabeli, ja b'a Josue sok ja janek' T'usan kanye ja schonab'ili:
3—Ja janek' ayex ja we'nlexi
ay to ma' wa sna'a sb'aj ja snajtsil jtsomjel b'ajtani.
¿Jastal waxa wilawex sok ja snajtsil jtsomjel it tey juts'in?
¿Ja smeranili, lek wa'nx ka'tik,
slaj sb'aji, mini oj slaj ja?
4Ke'n Dyos yuj ja israelenio
sok teyon a mok ja we'n Zorobabel,
sok ja we'n Josue sok spetsanil ja wa mojex jumasa;
—Tsatsal k'ujolan a b'ajex laja a b'ajik ja a'teli—
5Ja yajni elyex b'a Egipto ja we'nlexi,
kala wabyex oj ni jmojtayexa;
sok jach'ni jk'u'lan a wi'ex petsanil k'ak'u'a:
—Ti ajyi a mokex ja kespiritu—
Ja'yuj, mi lom la xiwyex.
6-8—Ke'n Dyos yuj ja israelenio,
mixa jel oj ek' tiempo
oj ka nijkuk ja satk'inal sok ja lu'umi;
—Jel tsats oj nik ja mar sok ja lu'um b'a sta' oj lek yipi—
Oj ka nijkuk spetsanil ja niwak chonab' jumasa;
oj ch'ak ka yi'e jan spetsanil ja jastik sb'aje'i
b'a ti oj ch'ak jb'ut' b'a snajtsil jtsomjel ja jaw jumasa,
porke ja sakal tak'in sok ja oro jb'aj ni ke'na'a.
9Ja stsamalil ja sch'ab'il snajtsil jtsomjeli
mas jel tsamal yuj ja jun b'ajtani,
sok ja ye'n jel ja ma' laman oj ajyuki.
Ke'n Dyos yuj ja israelenio,
ja jas wax kala yujni jach' oj jk'u'l merana—.
Ja jas yalunej ja Dyosi
10-11Cho jach'ni, snajtil ja b'a schab'il jab'il wa'n a'tel ja Dario, mandaranum b'a Persia, ja Dyosi, yal yab' ja aluman Dyos Hageo ay b'i jas oj sjob' yi ja pagre jumasa. Ja iti ja ek' b'a jun tajb'e sok chane yajtab' ja b'a ixaw Quislevi.#2:10-11 ixaw Quislevi: Ja sb'alunil ixaw b'a jab'il yuj ja judio jumasa, b'a nalan ja ixaw b'a noviembre sok snalan ja yixawil diciembre. Jaxa Hageo ti sjob'o jastal ita:
12—La kaltik ay ma oj spila kan xe'n b'ak'et b'a oj ya'yi b'a smajtan ja Dyosi. Tsa'an ti wa spotso och b'a sk'u' b'a oj yi'och b'a snajtsil tsomjeli. Ma la cho kaltik jas k'u ja winik jawi, cho sta'oj tuktukil wa'el a'nima mis k'ana. ¿Lek a ma ay ja jastal jaw ja ti oj yi'och tiw ja smajtan ja Dyosi?
Spetsanile ja pagre jumasa ti yalawe'a:
—Jastal modo lekuk, xchiye—
13Jaxa Hageo, ti cho sjob'o un mak'e smoj:
—La kaltik ja yan ay ma' syama jun cham winik, yuj ja lom syama, ek'ni sb'aj ja skistalil ja cham winik jawa, sok mixa oj b'ob' stoy ja Dyosi. Ja winik ma' syama ja cham winiki, yuj k'a cho syama chikan ja stik'e wa'elil, ¿wan a max cho ya sta'a kistal ja wa'el jawi, cho mixa oj makunuk b'a oj stoy ja Dyosi?
Spetsanile ja pagre jumasa yalawe:
—Jastal modo miyuk, xchiye—
14Jaxa Hageo ti yal yabye'a:
—Jaxa yan maklayik lek ja jas wax yala ja Dyos kujtiki:
Ja mero lajan sok ja jastal wa'n ek'el awujilex ja we'nlexi. Spetsanil ja jas waxa k'u'lanexi sok spetsanil ja jas waxa tsikawexki'i, mini lekuka sok minix ki'a leka. 15Jaxa ya'n pensaranik lek ja jas wax ek' a wujilex ajyi ja yora me'x k'e'a tul'exi stojb'esjel ja snajtsil jtsomjeli: 16ja mas b'ajtan yuj ja jawi, waxa majlayex oj ja wa'wex el jun tajb'e bolsa ja sat ja trigo b'a'ya kechan lajune waxa wa'wex eluk; ja ya'lel wa ts'usub'exi waxa majlayex oj ya'a wi'ex chab' tajb'e sok lajune barril ja ya'leli, b'a'ya kechan jun tajb'e barril wax ya'a. 17Ja k'ak'u jawi jach'ni wax ek' jastal jawa yuj ja ke'n wax jeka schajnul jumasa sok wax jeka jitsan b'at b'a oj sch'ay sna'jel ja sat ja wa wa'telexi. Jachuk sok spetsanil ja jawi, ja we'nlexi mini yuj a k'u'anonexa. Ja ke'n Dyos yujone' ja israelenio ja jas wax kala yujni jach' waja.
18Jaxa ya'n b'a yajtab' jun tajb'e sok chane ja ixaw Quislevi, a wa'wexta ochuk ja skujlayub' b'a oj k'e' jan stojb'esjel ja snajtsil jtsomjeli. Maklayik lek ja jas oj kal a wabyexi, yuja man ya'n spetsanil oj ch'ak tukb'uk. 19Ja we'nlexi, mito jas trigo a wi'ojex ja b'a waxa nolowexi, sok mini sat ja ts'usub' b'a yaljili, mini ay sat ja b'a ste'ili, man ya'ni oj ka' wi'ex spetsanil.
Ja jas yala ja Dyos yuj ja b'a stik'anal ja tiempo
20Ja mismo k'ak'u jaw ja Dyosi, yala yab' ja aluman Dyos Hageo ja lo'il iti:
21—Ja Zorobabeli, ye'n mandaranum b'a Juda, pero ka'ax kax al yab' ke'n wax kala oj ka nijkuk tsats lek ja satk'inal sok ja lu'umi. 22Oj ch'ak sna'jel ja jastal wa'ne a'tel ja mandaranum jumasa; oj ka' tek'anuk ja ya'tele'i, oj ch'ak sna'jel jas karro'e jumasa b'a tiro'anel sok jas kawuje' jumasa, jaxa winike jumasa ma'tik wax k'e'ye ja kawu jumasa jawi, ye'n ita oj smil sb'aje sok ja smoje jumasa. 23Ja Zorobabeli, ke'n jtsa'une, yajnix k'ot ja k'ak'u jawi, oj ka'yi spetsanil ja kipi. Ke'nani Dyos yujone' ja israelenio, ja jas wax kala yujni jach' oj k'u'l merana—.
S'ha seleccionat:
Hageo 2: YABD
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© Sociedad Bíblica de México 2021