Byubilo 1
1
1 #
Lu 1:1-4
Anweba Teofilusa, mu buku mutanshi mambo o nanembele, ajinga a byonse byo atatwile kuuba Yesu ne kufunjisha, 2kufika ne mu juba joatambwilwe mwiulu, byo apwishishe mu Mupashi Wazhila kwibakambizha batumwa boatongwele. 3Boemweshesheko mumi pakupita kumanama kwanji mu biyukilo byavula, kasa amweka kwi abo moba makumi ana, kasa amba bya bufumu bwa Lesa. 4#Lu 24:49Kabiji byo apwijilenga naabo pamo,#1:4 Ne byo baishile pamo Nangwa amba byo aikajilenga naabo, nangwa amba byo ajilenga naabo. wibakambizhe amba, “Kechi mufume mu Yelusalema ne, mupembele akya kyalayile Bataata, kyo mwaumvwine kwi amiwa. 5#Mat 3:11; Mako 1:8; Lu 3:16; Yoa 1:33Mambo Yoano kine wabatizhilenga na mema, pakuba anweba mukabatizhiwa na Mupashi Wazhila, bino kechi kwashala moba avula ne.”
Kutwalwa kwa Yesu mwiulu
(Mako 16:19,20; Luka 24:50-53)
6Ponkapo abo, byo bapwijile pamo, bamwipwizhe amba, “Nkambo, musakubwezha bufumu kubena Isalela mu kyonka kino kimye nyi?”
7Kumvwa aye wibambijile amba, “Kechi kyo kyenu kya kuyuka bimye nangwa moba, byo belamina bene bataata na luusa lwabo ne. 8#Mat 28:19; Mako 16:15; Lu 24:47,48Pakuba anweba mukatambula bulume, byo ake mwikijila Mupashi Wazhila, kepo mukekala batumonyi bami ba kunshimuna mu Yelusalema, ne monse mu Yudea, ne mu Samaliya, ne monse mwapela ntanda.” 9#Mako 16:19; Lu 24:50,51Kabiji byo a ambile bino, abo kasa bamutala, watwajilwe mwiulu ne jikumbi jamutambwile ne kumuzhita ku meso abo.
10Byo bakitajilenga mwiulu aye kasa aya, talai banabalume babiji baimene kobaji mu bivwalo bitoka, 11ne kwamba amba, “Anweba bena Ngalilea, mambo ka o mwaimena na kutala mwiulu? Uno Yesu, watambulwa mwiulu kufuma kwi anweba, ukeya pamo byonkabye byo mwamumona kasa aya mwiulu.”
Wa kupingakena pa kifulo kya kwa Yudasa
12Ponkapo babwelele ku Yelusalema, kufuma ku mutumba yebatela amba wa Maolivi, ye uji kwipi na Yelusalema, pa lwendo lwa juba jimo ja Sabado. 13#Mat 10:2-4; Mako 3:16-19; Lu 6:14-16Kabiji byo batwelele, bakanjijile mu nzubo ya peulu, mobaikajile ba Petelo, ne Yoano, ne Yakoba, ne Andeleo, ne Filipa, ne Tomase, ne Batolomo, ne Mateo, ne Yakoba mwana Alefesa, ne Shimona Muzelote, ne Yudasa mwana Yakoba. 14Abano bonse bakoseletu na muchima umo mu milombelo pamo na banabakazhi, ne Maliya inanja Yesu, ne balongo banji.
15Mu oa moba Petelo waimene mukachi ka balongo banji, kwajinga jibumba ja bantu bapwijile pamo, bafikile kampe kitoota kimo ne makumi abiji, ne kwamba amba. 16“Anweba bakwetu, kyafwainwe kufika akya kinembelo kyo a ambijile jimo Mupashi Wazhila mu kanwa ka Davida, na mambo a Yudasa, yenkaye watangijile bamukwachile Yesu, 17Mambo wabajilwe pamo ne atweba, kabiji watambwile mwingilo wanji wa mu ino mingilo.”
18 #
Mat 27:3-8
(Bino uno wapotele bujimi na mfweto ya bubi bwanji, ne byo aponene kamfulamukonko, jivumo jasabikile ne mila yanji yonse yapokomokelemo. 19Ne akyo kyayukanyikilwe ku bonse bangikazhi bamu Yelusalema, onkao mambo mu mulaka wabo abwa bujimi bebutelele amba, Akeladama, kulumbulula amba, “Bujimi bwa mashi.”) 20#Sala 69:25; Sala 109:8Mambo kyanembwa mu buku wa Masalamo amba,
“Kifulo kyanji poaikajile paluke ke pamasala,
Kechi pekale muntu nangwa umo ne.
Kabiji amba, bukulumpe bwanji ungi ebuje.”
21 #
Mat 3:16; Mako 1:9; Lu 3:21;
Mako 16:19; Lu 24:51 “Onkao mambo mu bano banabalume botwaendelenga naabo moba onse o twakijinga ne Nkambo Yesu, 22kutatula ku lubatizhilo lwa Yoano#1:22 Kutatula ku lubatizhilo lwa Yoano: nangwa amba Yoano ye wa mubatizhile. kufika ne ku juba joatambwilwe mwiulu kufuma kwi atweba, kyafwainwa umo ekale kamonyi pamo ne atweba wa mu kusanguka kwanji.”
23Kepo batongwele babiji, Yosefwa jikwabo Basabasa, (jikwabo amba Yusitusa), ne Matiasa. 24Ponkapo balombele amba, “Anweba Nkambo, mwayuka michima ya bantu bonse, mwitubuule pa bo bano babiji ye mwasalulula, 25wa kupingakena mu uno mwingilo, ne mu butumwa, moafumine Yudasa, ne kuya kwa mufwainwa mwine.” 26Ponkapo bebatayijile bubale, ne bubale bwakwachile Matiasa, ne aye wabajilwe pamo na batumwa jikumi na umo.
S'ha seleccionat:
Byubilo 1: KNTP
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Kaonde New Testament © The Bible Society of Zambia, 2019.