Versets bíblics populars de Byubilo 1

Comparteix

Pakuba anweba mukatambula bulume, byo ake mwikijila Mupashi Wazhila, kepo mukekala batumonyi bami ba kunshimuna mu Yelusalema, ne monse mu Yudea, ne mu Samaliya, ne monse mwapela ntanda.”

Kumvwa aye wibambijile amba, “Kechi kyo kyenu kya kuyuka bimye nangwa moba, byo belamina bene bataata na luusa lwabo ne.

Kabiji byo apwijilenga naabo pamo, wibakambizhe amba, “Kechi mufume mu Yelusalema ne, mupembele akya kyalayile Bataata, kyo mwaumvwine kwi amiwa. Mambo Yoano kine wabatizhilenga na mema, pakuba anweba mukabatizhiwa na Mupashi Wazhila, bino kechi kwashala moba avula ne.”

Boemweshesheko mumi pakupita kumanama kwanji mu biyukilo byavula, kasa amweka kwi abo moba makumi ana, kasa amba bya bufumu bwa Lesa.

Kabiji byo a ambile bino, abo kasa bamutala, watwajilwe mwiulu ne jikumbi jamutambwile ne kumuzhita ku meso abo.

Byo bakitajilenga mwiulu aye kasa aya, talai banabalume babiji baimene kobaji mu bivwalo bitoka, ne kwamba amba, “Anweba bena Ngalilea, mambo ka o mwaimena na kutala mwiulu? Uno Yesu, watambulwa mwiulu kufuma kwi anweba, ukeya pamo byonkabye byo mwamumona kasa aya mwiulu.”