GŨCOKERITHIA MAATHANI 31
31
1Nake Musa agĩgĩthiĩ akĩhe andũ othe a Isiraeli mohoro maya. 2#Ndar 20.12.Agĩkĩmera atĩrĩ, Niĩ rĩu ũmũthĩ-rĩ, nĩ ’hingĩtie mĩaka igana rĩa mĩrongo ĩĩrĩ; na ndingĩhota gũcoka kuumagara kana kũinũka mũciĩ; na ningĩ Jehova nĩanjĩrĩte atĩrĩ, Wee, ndũkũringa rũũĩ rũrũ rũa Jorodani. 3Jehova Ngai waku we mwene nĩegũgũthiĩ mbere ũkĩrũringe; ningĩ nĩwe ũkũnina ndũrĩrĩ ici ciothe irĩ mbere yaku ikweherere, o ici ũkegwatĩra kũndũ gwacio, gũtuĩke gwaku; nake Joshua nĩwe ũgũthiĩ mbere yaku akũringie, o ta ũrĩa Jehova oigĩte. 4#Ndar 21.21-35.Nake Jehova nĩegũciĩka o ta ũrĩa ekire Sihoni na Ogu, athamaki a Aamori, o na andũ a bũrũri wao, o acio aaninire. 5Ningĩ Jehova nĩegũcirekereria acineane harĩ inyuĩ, mũciĩke o ta ũrĩa maũndũ mothe matariĩ marĩa ndĩmwathĩte. 6Gĩai na hinya, na mũũmĩrĩrie; menyai mwĩtigĩre, kana mũmakio nĩcio; nĩ gũkorũo Jehova Ngai waku nĩwe ũgũtwarana nawe; ndagagũtigĩrĩra, kana atigane nawe. 7Nake Musa agĩgĩĩta Joshua, akĩmwĩrĩra o hau maitho-inĩ ma Aisiraeli othe atĩrĩ, Gĩa na hinya, na ũũmĩrĩrie, nĩ gũkorũo nĩwe ũgũthiĩ na andũ aya bũrũri ũrĩa Jehova erĩire maithe mao na mwĩhĩtwa atĩ nĩakamahe; nawe nĩwe ũgatũma maũgae ũtuĩke wao. 8#Josh 1.5; Ahib 13.5.Nake Jehova nĩwe ũgũthiĩ mbere yaku, na nĩegũikara hamwe nawe, na ndagagũtigĩrĩra, kana atigane nawe; wee menya wĩtigĩre, kana ũmake. 9Nake Musa agĩkĩandĩka watho ũcio, akĩũnengera athĩnjĩri-Ngai, ariũ a Lawii, arĩa maakuuaga ithandũkũ rĩa kĩrĩkanĩro kĩa Jehova, o na athuri othe a Isiraeli. 10#Gũcok 15.1,2; Gũcok 16.13-15.Ningĩ Musa agĩkĩmaatha, akĩmera ũũ: Atĩrĩrĩ, o mũthia-inĩ wa mwaka o mwaka wa mũgwanja, o ihinda rĩrĩa rĩathanĩtwo rĩa atĩ mathirĩ marekanĩrũo hĩndĩ ya gĩathĩ gĩa gwaka ithũnũ, 11narĩo nĩrĩo ihinda rĩrĩa Aisiraeli othe magathiĩ kwĩonania mbere ya Jehova Ngai waku, o handũ harĩa agathura-rĩ, ciugo cia watho ũyũ nĩigathomerũo ho, Aisiraeli othe makĩĩiguagĩra na matũ mao. 12Hĩndĩ ĩo andũ a mĩthemba yothe, arũme, na andũ-a-nja, na andũ arĩa anyinyi, o na mũndũ wa kũngĩ ũrĩa ũrĩ gwaku mũciĩ, nĩũkamonganithia, nĩ getha maciigue, na maciĩrute, na metigĩre Jehova Ngai waku, na mamenyagĩrĩre gwĩka o ta ũrĩa ciugo icio ciothe cia watho ũyũ itariĩ; 13na nĩ getha ciana ciao, iria itaacimenyete, iciigue, na ciĩrute gwĩtigĩra Jehova Ngai wanyu, ihinda rĩrĩa rĩothe mũgũtũũra muoyo mwĩ bũrũri ũrĩa mũkũringa Jorodani mũkegwatĩre ũtuĩke wanyu.
14Nake Jehova agĩkĩĩra Musa ũũ: Atĩrĩrĩ, ihinda rĩaku rĩa atĩ no mũhaka ũkue nĩrĩkuhĩhĩirie; ĩta Joshua, mũthiĩ mũkarũgame nake hema-inĩ-ya-gũtũnganwo nĩguo ndĩmũtaare. Nao Musa na Joshua magĩgĩthiĩ, makĩrũgama hema-inĩ-ya-gũtũnganwo. 15Nake Jehova agĩkĩmoimĩrĩra akĩoneka kũu Hema-inĩ ĩo thĩinĩ, arĩ gĩtugĩ-inĩ gĩa itu; nakĩo gĩtugĩ kĩu gĩa itu gĩkĩrũgama o mũromo-inĩ wa Hema ĩo. 16Nake Jehova agĩkĩĩra Musa ũũ: Atĩrĩrĩ, wee nĩũgũkoma hamwe na mathoguo; nao andũ aya nĩmagokĩra merirĩrie kũrũmĩrĩra ngai ng’eni cia andũ a bũrũri ũcio megũthiĩ gũtũũrania nao, na nĩmagatigana na niĩ, mathũkie kĩrĩkanĩro gĩakwa kĩrĩa tũrĩkanĩire nao. 17Hĩndĩ ĩo nĩguo na niĩ ngacinwo nĩ marakara, ndĩmokĩrĩre, ndigane nao; na ndĩmahithe ũthiũ wakwa, nao maninwo, na makorũo nĩ maũũru maingĩ, na mathĩna maingĩ, o nginya makoiga atĩrĩ, mũthenya ũcio, Githĩ tũtikoretwo nĩ maũũru maya nĩ ũndũ wa ũrĩa Ngai witũ atatũũraga thĩinĩ witũ? 18Na rĩrĩ, mũthenya ũcio-rĩ, ndirĩ hingo itakamahitha ũthiũ wakwa nĩ ũndũ wa ũũru ũrĩa magakorũo mekĩte, nĩ ũndũ wa kũhũgũkĩra ngai ingĩ magacihoya. 19Tondũ ũcio wĩandĩkĩrei rũĩmbo rũrũ; nawe ũcoke ũrũrute ciana cia Isiraeli; na ningĩ ũtũme rũinwo na tũnua twacio, nĩ getha rũĩmbo rũrũ rũtuĩke ũira wa kũnyumbũra harĩ ciana cia Isiraeli. 20Nĩ ũndũ-rĩ, hĩndĩ ĩrĩa ngakorũo ndĩcikinyĩtie bũrũri ũcio wĩ bũthi wa iria na ũũkĩ, o ũcio nderĩire maithe ma cio na mwĩhĩtwa atĩ nĩngacihe, nacio ikorũo irĩĩte irio ciaguo ikehũnĩrĩria, o na ikanora, hĩndĩ ĩo nĩguo ikahũgũkĩra ngai ingĩ, icitungatĩre icoke i’mene, ithũkie kĩrĩkanĩro gĩakwa. 21Na nĩgũgakinya atĩrĩ, atĩ hĩndĩ ĩrĩa maũũru maingĩ, o na mathĩna maingĩ, magacikora, hĩndĩ ĩo nĩguo rũĩmbo rũrũ rũgatuĩka ũira wa gũciririkania ũrĩa maũndũ marĩa mekĩtwo matariĩ; nĩ ũndũ rũtikariganĩra rũage kũinwo na tũnua twa mbeũ ciacio; nĩ gũkorũo o na rĩu, ihinda o rĩrĩ, itarĩ ndĩracitwara bũrũri ũcio ndoigire na mwĩhĩtwa atĩ nĩngacihe, nĩnjũĩ meciria marĩa ciĩciragia. 22Tondũ ũcio Musa agĩkĩandĩka rũĩmbo rũrũ mũthenya o ro ũcio, akĩrũruta ciana cia Isiraeli. 23#Ndar 27.23; Josh 1.6.Nake Jehova agĩgĩtaara Joshua wa Nuni, akĩmwĩra ũũ: Atĩrĩrĩ, gĩa na hinya, na ũũmĩrĩrie; nĩ gũkorũo nĩwe ũgakinyia ciana cia Isiraeli bũrũri ũcio ndoigire na mwĩhĩtwa atĩ nĩngacihe; na nĩngũikara hamwe nawe.
24Na gũgĩkinya atĩrĩ, atĩ Musa aarĩkia kwandĩka ciugo cia watho ũyũ ibuku-inĩ, o nginya igĩthira-rĩ, 25Musa agĩgĩcoka agĩatha Alawii arĩa maakuuaga ithandũkũ rĩa kĩrĩkanĩro kĩa Jehova, akiuga ũũ: 26Oyai ibuku rĩrĩ rĩa watho, mũkarĩige mwena-inĩ wa ithandũkũ rĩa kĩrĩkanĩro kĩa Jehova Ngai wanyu, nĩ getha rĩikarage ho rĩtuĩke ũira wa kũnyumbũra harĩ cio. 27Nĩ ũndũ nĩnjũĩ ũrĩa ũremete, o na ũrĩa ũtũire ũũmĩtie kĩongo. Atĩrĩrĩ, o na rĩu njikarĩte ndĩ o muoyo hamwe na inyuĩ, no mũtuĩkĩte aremi Jehova; ĩ hihi mũgagĩkĩrĩrĩria atĩa kũmũrema ndarĩkia gũkua? 28Ta nyũnganithĩriai athuri othe a mĩhĩrĩga yanyu, o na anene arĩa mamwathaga, nĩ getha njarie ũhoro ũyũ makĩũiguaga na matũ mao, njoke njĩte igũrũ o na thĩ gũtuĩke aira a kũmoimbũra. 29Nĩ ũndũ nĩnjũĩ atĩ ndarĩkia gũkua nĩmũgethũkia o gwĩthũkia biũ, mũgarũrũke mũtige gũthiĩ na njĩra ĩrĩa ndĩmwathĩte mũthiage nayo; naguo ũũru nĩũkamũkora matukũ marĩa ma kũrigĩrĩria, nĩ ũndũ nimũgekaga maũndũ marĩa monagwo marĩ moru nĩ Jehova, mũmũthirĩkie nĩguo arakare nĩ ũndũ wa maũndũ marĩa mũgekaga na moko manyu.
30Nake Musa agĩkĩaria ciugo cia rũĩmbo rũrũ akĩiguagwo nĩ ũũngano wothe wa Isiraeli, o nginya igĩthira, akiuga ũũ:
S'ha seleccionat:
GŨCOKERITHIA MAATHANI 31: OGKBIBLE
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
©Bible Society of Kenya, 2019