भजन संहिता 24
24
महिमामय राजा अर उसका राज
दाऊद का भजन
1धरती अर जो किमे उस म्ह सै यहोवा का ए सै;
दुनिया अर उस म्ह रहण आळे भी।
2क्यूँके उस्से नै उसकी नींव समुन्दरां कै उप्पर मजबूत करकै धरी,
अर बड़ी-बड़ी नदियाँ कै उप्पर स्थिर करया सै।
3यहोवा के पर्वत#24:3 यहोवा के पर्वत सिय्योन पर्वत जित्त बाद मै मन्दर बणाया गया था पै कौण चढ़ सकै सै?
अर उसकी पवित्र जगहां म्ह कौण बड़ सकै सै?#24:3 बड़ सकै सै? खड्या हो सकै सै
4जिसके काम निर्दोष अर मन साफ सै,
जिसनै अपणे मन ताहीं बेकार की बात्तां की ओड़ न्ही लगाया,
अर ना कपट तै कसम खाई।
5वो यहोवा की ओड़ तै आशीष पावैगा,
अर अपणे उद्धार करण आळे परमेसवर की
ओड़ तै धर्मी ठहरैगा।
6इसेए माणस उसके खोजी सै,
याकूब के परमेसवर तेरे दर्शन के टोह्ण आळे याकूबवंशी सै#24:6 याकूब के परमेसवर तेरे दर्शन के टोह्ण आळे याकूबवंशी सै हे याकूब के परमेसवर तन्नै टोहवैं सै। (सेला)
7हे फाटकों, अपणे सिर ऊँच्चे करो,
हे सनातन के दरबाज्यों, ऊँच्चे हो जाओ।
क्यूँके प्रतापी राजा आण आळा सै।
8वो प्रतापी राजा कौण सै,
यहोवा जो ताकतवर अर पराक्रमी सै,
परमेसवर जो युद्ध म्ह पराक्रमी सै!
9हे फाटकों, अपणे सिर ऊँच्चे करो
हे सनातन के दरबाज्यों थम भी खुल जाओ!
क्यूँके प्रतापी राजा आवैगा!
10वो प्रतापी राजा कौण सै?
सेनाओं का यहोवा, वोए प्रतापी राजा सै। (सेला)
S'ha seleccionat:
भजन संहिता 24: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.