भजन संहिता 23
23
परमेसवर अपणे माणसां का पाळी
दाऊद का भजन
1यहोवा मेरा पाळी सै,
मन्नै किमे घटी ना होवैगी।
2वो मन्नै हरी-हरी चराईयाँ म्ह बिठावै सै;
वो मन्नै सुखदाई पाणी के झरण्यां कै धोरै ले चाल्लै सै;
3वो मेरे जी म्ह जी ले आवै सै।
धर्म की राह म्ह वो अपणे नाम कै खात्तर
मेरी अगुवाई करै सै।
4चाहे म्ह घोर अन्धकार तै भरी होई तराई म्ह होकै चाल्लूँ,
तोभी नुकसान तै न्ही डरुँगा,
क्यूँके तू मेरै गैल रहवै सै;
तेरी छड़ी अर लाठ्ठी तै मन्नै शान्ति मिलै सै।
5तू मेरे सताण आळयां कै स्याम्ही मेरे खात्तर मेज बिछावै सै;
तू मेरे सिर पै तेल तै अभिषेक करै सै,
मेरा कटोरा उमड़ण लाग रह्या सै#23:5 उमड़ण लाग रह्या सै लूका 7:46।
6पक्का भलाई अर करुणा जीवन भर मेरे
गैल-गैल बणी रहवैगी;
अर मै यहोवा के धाम म्ह सदा वास करुँगा।
S'ha seleccionat:
भजन संहिता 23: BGC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.