Jonás 3
3
Nínive llaqta wanakusqanmanta
1Tayta Diosmi Jonasta huktawan rimapayaspan nirqa:
2Nínive llaqtaman riy hinaspa ñoqapa nisqayta chaypi yachaqkunaman willa-kamuy, nispa.
3Chaymi Jonasqa, Tayta Diospa kamachisqanman hina, Nínive llaqtaman rirqa. Nínive llaqtaqa kimsa punchaw puriy hatu-hatun llaqtam karqa. 4#Mt 12.41; Lc 11.32.#Mt 12.41; Lc 11.32.Chayarus-panmi Jonasqa tukuylla punchaw puriyta qallaykurqa kaynata willakustin:
¡Tawa chunka punchawmantam Nínive llaqta chinkachisqa kanqa! nispa.
5Hinaptinmi Nínive llaqtapi yachaqkuna, Diospa nisqanta uyariykuspanku, hatunpas taksapas ayunaspanku huchan-kumanta wanakuspa qachqa pachakunawan churakurqaku. 6Nínive llaqtapa reyninpas chay willakuyta uyariruspanmi, trononmanta sayarispan, pachankunata hurqokuruspa qachqa pachawan pachakuruspan uchpapa hawanpi tiyaykurqa. 7Hinaspam reyqa yanapaqninkunapiwan, Nínive llaqtapi kamachikurqa kaynata:
Amam pipas mikunqachu, hatun uywakunawan taksa uywakunapas amataqmi pastota mikunqachu, nitaq yakutapas tomanqachu. 8Aswanqa lutokuspa animalkunawan kuska tukuy sonqoykichikmanta Tayta Diosta mañakuychik hinaspa mana allin kawsaynikichikmanta sapakama wanakuychik, wanakuychiktaq mana allinkuna ruwaynikichikmantapas. 9Diosqa icharaqpas llakipayariwaspanchik piñakuyninta sapaqchaykuptin mana puchukaruchwanchu, nispa.
10Imam ruwasqankuta qawarispanmi Tayta Dios rikururqa Nínive llaqtayuq runakuna mana allin kawsayninkumanta wanakurusqankuta, chayraykum piñakuyninta sapaqchaykuspan imam tanteasqantaqa manaña ruwarqañachu.
S'ha seleccionat:
Jonás 3: RCQ12
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012