Jonás 2

Jonaspa mañakusqanmanta

1Challwapa wiksanpi kachkaspanmi Jonasqa Tayta Diosta mañakuspan 2nirqa:

Dios Taytalláy,

sasachakuypi kaspay qayakamuptiymi

uyariykullawarqanki,

wañuypa patanmanta qayakamuptiymi

uyariykullawarqanki.

3Lamar qochapa ukunmanmi wischuykuwarqanki, yakukunam ñoqata pampaykuwarqa,

orqochakuq olaykikunam hawayta pasarqa.

4Hinaptinmi qayllaykimanta wischuruwasqaykitaña piensarqani, chaywanpas huktawanmi temploykita qawaykusaq.

5Yakukunapas pasaypaqtam intuykuwarqa, lamar qochapa uku-uku yakunkunam pampaykuwarqa,

lamar qochapi qorakunam umayta wankuykuwarqa.

6Orqokunapa sapinkamam uraykurqani, allpapas wiñaypaqmi presochaykuwarqa,

chaywanpas Dios Taytalláy

wañuypa makinmantam salvaykuwanki.

7Dios Taytalláy, wañuypa patanpiña kachkaspam yuyarirqayki,

mañakuyniymi temploykipi qayllaykiman chayaykamurqa.

8Idolokunata yupaychaqkunaqa

kuyakuynikimantam karunchakurunku.

9Ñoqam ichaqa qanman graciasta qospay sacrificiokunata qosqayki,

prometekusqaytaqa ruwasaqpunim.

Dios Taytalláy,

qamllam salvakuqqa kanki, nispa.

10Hinaptinmi challwata Tayta Dios kamachirqa Jonasta lamar qochapa patanpi atqorunanpaq.

S'ha seleccionat:

Jonás 2: RCQ12

Subratllat

Copia

Compara

Comparteix

Vols que els teus subratllats es desin a tots els teus dispositius? Registra't o inicia sessió

Versets bíblics populars de
Jonás 2