Lévitique 12
12
Umatimpɔɔn marab
1Ti-Dindaan sòon̄ nì Mooyiisi ki bí-u yii: 2«Tùkù Isirayeel yab yii unimpu yaa cáá dipool ki màl̄ kibininjabikee, mara poonee, u kɔ́ tijɔkɔndi kí cáá sāā iwiin iluli dal kii u nín yaa ká u-ba, u bí tijɔkɔndin puee. 3Ŋwinniniiti dalee, bí gíí kibikee dikpancandi#12.3 Kpèè Diny 17.12, Luuki 2.21.. 4Míǹ boonee, ú gíti kàl̄ iwiin mmuŋku nì saalaa nì ita kí nyā fatiku un nyáń-uee jɔkɔntin. Waa máaǹ kí gbēē tiwan tin bí circir bi dūu sú ti-Dindaanee, kaa máaǹ kí kɔ́ circir kɔŋkooŋŋu cindin kí cáá sāā ŋyunti ŋun u làá nyā u-matinti jɔkɔntinee.
5«An yaa sá kibinimpubiki ní u màl̄ee, mara poonee, u kɔ́ tijɔkɔndi kí cáá sāā nnyɔmu muli kii u nín yaa ká u-ba, u bí tijɔkɔndin puee. Míǹ boonee ní ú gíti kàl̄ iwiin imuŋku ita nì iluu kí nyā fatiku un nyáń-uee jɔkɔntin.
6«An yaa sá kibininjabiki àá kibinimpubiki ní u màl̄ ní ki kāl̀ iwiin in mara bālifèe ki tin sāāyee, ú cùú ká usaraaŋal circir kɔŋkooŋŋu punyɔkɔki nyɔkɔpu. Ú cáań dibindi diba pibil kí ŋá saraawɔkaa nì dinanjil àá dibeenanjil kí ŋá ikpiti pɔ̄tam saraau. 7Ní usaraaŋal ń fōō tiwaŋkutee kí cáá ŋá saraa ti-Dindaan nimbiin kí fíntí unimpuee kpitii ú nyā fatiku un nyáń-uee jɔkɔntin.»
Mara un bi nìn síiǹ unimpu yaa màl̄ kibininjabiki àá kibinimpubikee dee.
8«Unimpu ŋaan yaa kaa nyìm̀ ú dā dipibilee, u ŋūǹ kí cáań ananjil ali àá abeenanjil#12.8 Kpèè Luuki 2.24. ali ní kí dū diba kí ŋá saraawɔkaa ní kí dū din kíǹee kí ŋá ikpiti pɔ̄tam saraau, ní usaraaŋal ń dūú ŋá saraa kí fíntí u-kpitii ní ú nyā fatiku un nyáń-uee jɔkɔntin.»
S'ha seleccionat:
Lévitique 12: BASSARDC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
BIBLE EN N'TCHAM (Bassar) © Alliance Biblique du Togo, 2013.