Matayo 25
25
Ageca kwoŋ nyir apar
1 #
Luk 12:35
“Ker ma polo cale gi nyir apar ma jotiŋo talin pajo to jokidho romo kodi jamweha. 2Jabic oyido jomiŋ, jabic joriek. 3Nyir mamiŋ mere jotiŋo talin pajo, to jok'otiŋo mo; 4to nyir mariek mere jotiŋo cupa mo. 5Paka jamweha ogalo gi tundo, joje jonur to jonindo. 6To i dier wor denge aka okoki ni, ‘Neni, jamweha ee otundo, woki win wijoli go.’ 7Gikenyo nyir no je joay to jocwinyo talin pajo. 8Aka nyir mamiŋ jowaco ri mariek ni, ‘Miy waye win mo kwoŋ mewin, kole talin mawan kidho tho.’ 9To nyir mariek jodwoko ni, ‘Ipoyo miti mo ma wanigine k'onyal romo wan gi win; am'omiyo ber wikidhi bongi jomitan winyew mewin.’ 10Aka munyo jotieko kadho nyewo mo, to jamweha tundo, kendo jom'onwaŋo jocowo yikirok ca ama jodonjo gi go i kalima ma nywomirok; t'icego dhiot. 11#Luk 13:25Rumacen nyaka nyir ca jodwoko to jowaco ni, ‘Rwoth, yaw ri waye.’ 12To go odwoko ni, ‘Adieri awaco riwin, akuya ran win.’ 13Am'omiyo yikere win, rupiri wikuya ndelo kosa hongo.”
Ageca kwoŋ jotic adek
(Luk 19:11-27)
14 #
Luk 19:11-27
“Ker ma polo bino cale kodi jadwoŋ moro m'okidho woth bor to lwoŋo jotic pere, to ketho lim pere i cingi jo; 15go omiyo ŋat'acel mugowe abic ma zahabu, ŋatiman ario, ŋatiman acel cungo kwoŋ nyalo pa kisi dhano, to go kadho woth. 16Ŋat'omiy mugowe abic okadho mayot wirok gine, to limo mugowe man abic. 17Ŋat'omiy mugowe ario, bende olimo mugowe man ario. 18To ŋat'omiy mugowa acel, okidho to kunyo piny to yiko pesa pa jadwoŋ pere. 19Rumacen munyo hongo okadho malac, rwoth pa jotic no odwoko to kaŋasa kwan ma gigipiny no gi jo. 20Ŋat'omiy mugowe abic odonjo to wodho mugowe man abic to waco ni, ‘Jadwoŋ imiyan mugowe abic, to ee alimo abic man i wiy m'imiyan ca.’ 21Rwoth pere owaco rigo ni, ‘Walwa gi tic, ijatic maber ma genere; ibedo gi genirok i gimathin, abino ketho i cingin madit; donji ibedi i kisangala pa rwoth perin.’ 22Ŋat'omiy mugowe ario bende odonjo to waco ni, ‘Rwoth, imiyan mugowe ario; ee alimo ario man.’ 23Rwoth pere owaco ni, ‘Walwa gi tic, ijatic maber odoko ma genere; ibedo gi genirok i gimathin, abino ketho i cingin madit; donji i kisangala pa rwoth perin.’ 24Ŋat'omiy mugowa acel to bende donjo ka waco ni, ‘Rwoth, aŋeyo ni i dhano ma kite tek, ikeco kam'iŋat'ikicwoy'iye gimoro, aka icoko kam'iŋat'ikikonj'iye gimoro; 25am'omiyo lworo omakan, t'akidho to akano mugowa pesa perin i lowo; onyo maki giperin ee adwoko rin.’ 26To rwoth odwoko go ni, ‘Ijatic marac, odoko manyap. Kere ka nende iŋeyo nike akeco kam'aŋat'akicwoy'iye gimoro, aka ajowo kam'aŋat'akikonj'iye gimoro, 27raŋo m'ikikano pesa paran i kakan pesa, aka d'onyo k'adwoko d'alimo giparan m'omedere ye? 28K'ameno, onyo kwany win woko kwoŋe mugowa pesa no, wimiy jamugowe apar ayin. 29#Mat 13:12; Mar 4:25; Luk 8:18Kole dhano je manitie gi gimoro ibino medo go man, aka go bino bedo kodi ma kalo gima go yenyo; to ŋata bu gimoro, kada gima go oyido nitie gine ibino kwanyo kwoŋe. 30#Mat 8:12; 22:13; Luk 13:28Aka bol win woko jatic m'ongoye kony no i mudho ma gicen, kama ji jobino ywak'iye gi litho madit.’ ”
Thumo banja ma rumacen
31 #
Mat 16:27; Mat 19:28 “Ka Wod Dhano dwoko gi dwoŋ pere, kodi jomalaika pere je, go bino bedo wi kom pere ma dhum. 32Nonin je jobino cokere ruwaŋe, aka go bino poko jo kadirio paka jakwath poko rombo gi diegi, 33Go bino ketho rombo yu cinge maracuc, to ketho diegi yuracam. 34Gikenyo Kere bino waco ri joma ni cinge maracuc ni, ‘Biye win, josilwany pa Baba, lunji win Ker m'oyik riwin wok i cwec pa piny; 35kole munyo kec onwaŋo nekan wimiyan cemo, munyo riyo nekan wimiyan gir'amadha, munyo abedo wendo wijolan, 36munyo angoye gi ruk wirukan, munyo atwo wiliman, munyo an twec wiliman.’ 37Gikenyo jomabeyo no jobino dwoko go ni, ‘Rwoth, keraŋo ma waneno munyo kec oyido nekin to wamiyin cemo, kosa in gi riyo to wamiyin gir'amadha? 38Odoko keraŋo ma wanenin munyo itwo kosa ingoye gi ruk aka warukin? 39Odoko keraŋo ma wanenin munyo itwo kosa in twec aka walimin?’ 40Kere bino dwoko jo ni, ‘Adieri awaco riwin, munyo witimo gino kada ri acel m'oasa thin kwoŋ jowotan me, meno witimo ran.’ 41Gikenyo go bino waco ri joma nitie yuracam pere ni, ‘Eye win bothan jom'olam, kendo donji win i mac makitho m'oyik, ri jwogi kodi jomalaika pere. 42Kole munyo kec onwaŋo nekan wikimiyan cemo, munyo riyo nekan wikimiyan gir'amadha, 43munyo abedo wendo wikijolan, munyo angoye gi ruk wikirukan, munyo atwo kendo munyo oyido an twec wikiliman.’ 44Gikenyo jo bende jobino dwoko ni, ‘Rwoth, keraŋo ma wanenin munyo kec kosa riyo oyido nekin, kosa ibedo jakicar, kosa ingoye gi ruk, kosa itwo kosa in twec aka wakikonyin?’ 45Gikenyo go bino dwoko jo ni, ‘Adieri awaco riwin, munyo wikitimo gino ri kad'acel m'oasa thin kwoŋ jowotan me, meno wikitimo ran.’ 46#Dan 12:2Gikenyo jobino eye bonge to jodonjo i gir'acula makirum, aka jomabeyo jobino donjo i kwo makirum.”
S'ha seleccionat:
Matayo 25: DHOPE
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Dhopadhola DC Bible © Bible Society of Uganda, 2018.