Якъуп 5
5
Байларгъа тенбие
1 #
Ам 6.1; Лк 6.24 Эй, байлар, шимди сизлер динъленъиз! Башынъызгъа тюшеджек белялардан окюрип агъланъыз! 2#Эюп 13.28; Еш 50.9; Мт 6.19-20Байлыгъынъыз чюрюп кеткен, урбаларынъызны сюме ашагъан. 3#Рим 2.5Алтын ве кумюшлеринъизни тот баскъан. Бу тот сизге къаршы шаатлыкъ этеджек ве беденинъизни, атеш киби, ютаджакъ. Сизлер сонъки куньлерде байлыкъ топладынъыз. 4#Лев 19.13; Текр 24.14-15; Еш 5.9Тарлаларынъызны оргъан ыргъатлардан къазанчыны тутып алдынъыз. Динъленъиз! Олар агълайлар, ве оракъчыларнынъ агълавлары Ордулар Раббисининъ къулакъларына еткен. 5#Йрм 12.3Сизлер ер юзюнде кейф ве боллукъ ичинде яшай эдинъиз. Санки, къурбан кунюне озюнъизни пек беслединъиз. 6Сиз къабаатсыз адамны къабаатлап ольдюрдинъиз, о, исе сизлерге къаршы чыкъмады#5.6 Я да «Алла сизге къаршы чыкъмайджакъмы?».
Сабырлы олунъыз
7 #
Текр 11.14
Агъа-къардашларым, Раббининъ къайтаджагъына къадар сабыр этинъиз. Бакъынъыз, топракъны ишлеген адам топракънынъ къыйметли берекетини беклей, кузь ве баарь ягъмурлары ягъаджагъына ишанып сабыр эте. 8#1 Пётр 4.7Сизлер де сабыр этинъиз, юреклеринъизни кучьлештиринъиз, чюнки Раббининъ келеджеги якъынлаша. 9#Мт 7.1; Якъ 4.12Агъа-къардашларым, къабаатлы олмамакъ ичюн, бири-биринъизнинъ устюне шикяет этменъиз. Бакъынъыз, Суд Этиджи къапу огюнде тура.
10 #
Мт 5.12; 23.34; Фаал 7.52; Еуд 11.32-38 Агъа-къардашларым, Раббининъ Адындан лаф эткен пейгъамберлернинъ азабы ве сабыры сизлерге мисаль олсун. 11#Чыкъ 34.6; Эюп 1.21-22; 2.10; 42.10; Мт 10.22; Мк 13.13; Якъ 1.12; Сыр 2.10Сонъунадже сабыр эткенлерни биз бахтлы саямыз. Эюпнынъ сабыры акъкъында эшиткенсиз ве сонъунда Рабби нелер япкъаныны билесиз. Рабби пек мераметли ве шефкъатлыдыр.
Ант этменъиз
12 #
Мт 5.34-37
Энъ эвеля, агъа-къардашларым, не кок, не ер, не башкъа бир шейнен ант этменъиз. Къабаатлы олмамакъ ичюн, «эбет» олгъан ерде «эбет» сёйленъиз, «ёкъ» олгъан ерде «ёкъ» сёйленъиз.
Дуванынъ къувети
13 #
1 Кор 14.15; Эф 5.19 Эгер аранъыздан бириси чекишсе, дува этсин. Эгер бириси бахтлы олса, макътавлар йырласын. 14#Мк 6.13Эгер сизлерден бириси хаста олса, иманлылар джемиетининъ акъсакъалларыны чагъырсын. Олар Раббининъ Адынен онынъ ичюн дува окъусынлар ве хаста адамгъа зейтюн ягъыны сюртсюнлер. 15#Эюп 22.30Иманнен окъулгъан дува хастаны тедавийлер, Рабби оны аякъкъа котерир. Эгер хаста гуна япкъан олса, Рабби оны багъышлар. 16#Баш 20.17; Сай 11.2; 3 Пад 13.6; 4 Пад 4.33-34; Эюп 42.8; Мк 1.5; Фаал 9.40; 19.18; 28.8Бойлеликнен, тедавийленмек ичюн, бири-биринъизге гуналарынъызны айтынъыз ве бири-биринъиз ичюн дува этинъиз. Инсафлы адамнынъ дувасы чокъ шей япа биле. 17#3 Пад 17.1; 18.1; Лк 4.25Ильяс бизге ошагъан бир адам эди. Ягъмур ягъмасын деп, о гъайретнен дува окъуды, ве ер юзюне учь йыл алты ай девамында ягъмур ягъмады. 18#3 Пад 18.42-45Сонъ о кене дува эткенде, коктен ягъмур ягъды ве топракъ берекет берди.
Акъикъат ёлундан урулгъанлар акъкъында
19 #
Гал 6.1
Агъа-къардашларым, эгер сизлерден биринъиз акъикъат ёлундан урулса ве бир кимсе оны кене акъикъаткъа къайтарса, 20#Икм 10.12; 1 Пётр 4.8билинъиз ки, гунакярны янълыш ёлундан къайтаргъан онынъ джаныны олюмден къуртарыр ве чокъ гуналарнынъ багъышлангъаныны кетирир.
S'ha seleccionat:
Якъуп 5: CTB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© Институт перевода Библии, 2016