Якъуп 4
4
Аллагъа бойсунынъыз
1 #
1 Пётр 2.11
Аранъыздаки къавгъа ве давалар къайдан чыкъа? Беденинъизде дженк эткен истеклеринъизден дегильми? 2Сизде олмагъан шейлерни истейсиз; адам ольдюресиз ве пахыллайсыз, амма даа алып оламайсынъыз; котеклешесиз ве дженк этесиз. Сизлерде ич бир шей ёкъ, чюнки Алладан истемейсинъиз. 3#Икм 10.3Истейсинъиз ве алып оламайсыз, чюнки яхшылыкъ ичюн дегиль, озь истеклеринъизни беджермек ичюн истейсиз.
4 #
Йрм 3.8; 31.22; Ехез 16.32; Хош 5.7; Юх 15.19; 1 Юх 2.15; Рим 8.7 Эй, Алладан вазгечкен адамлар, дюньянен дост олгъаны Аллагъа душман олгъаныны бильмейсизми? Шунынъ ичюн, дюньянен дост олмагъа истеген адам Аллагъа душман ола. 5#1 Кор 6.19Фикирлеринъизге коре, Языда язылгъан сёзлер: «Алла ичимизге къойгъан рух бизни тек озю ичюн истей»#4.5 Я да «Алла ичимизге къойгъан рухны куньджюликнен севе», я да «Алла ичимизге къойгъан рух куньджюлик ве атешин истеклернен толдура». (Бакъ. Чыкъ 20.5.), – деп бошуна язылгъанмы? 6#Икм 3.34; 1 Пётр 5.5Амма О, бизге даа зияде эйиликни бере. Бойлеликнен, Языда айтылгъан ки, Алла къопайларгъа къаршы чыкъаджакъ, алчакъгонъюллилерге исе эйилик япаджакъ.
7 #
1 Пётр 5.8-9; Эф 4.27 Шунынъ ичюн, Аллагъа бойсунынъыз. Шейтангъа къаршы чыкъынъыз, ве о, сизден къачар. 8#Збр 50.4; Еш 1.16; Йрм 4.14; 2 Тар 15.2; Збр 72.28; Якъ 1.7-8Аллагъа якъынлашынъыз, ве О, сизлерге якъынлашыр. Эй, гуналылар, къолларынъызны ювунъыз! Эй, акъылы болюнген адамлар, юреклеринъизни темизленъиз! 9Кедерленинъиз, окюрип агъланъыз! Кулькюнъиз агълавгъа, къуванчынъыз къасеветке айлансын. 10#Еш 57.15Раббининъ огюнде алчакъгонъюлли олунъыз, ве О, сизни юксельтир.
Дин къардашынъызны суд этменъиз
11 #
Рим 14.4, 10 Агъа-къардашларым, бири-биринъизни яманламанъыз! Озь агъа-къардашыны яманлагъан я да оны суд эткен адам Алланынъ Къануныны яманлай ве Къанунны суд эте. Эгер сен Къанунны суд этсенъ, сен Къанунны беджермекнинъ ерине суд этиджи оласынъ. 12#Мт 7.1; Лк 12.5; Якъ 5.9Лякин тек бир Къанун Яратыджысы ве Суд Этиджи бар. О, эм къуртара, эм де ёкъ эте биле. Я сен ким оласынъ? Башкъа адамны не ичюн суд этесинъ?
Макътанчакъ олманъыз
13Энди мени динъленъиз! Базыларынъыз: «Бугунь я да ярын бир шеэрге барып, о ерде бир йыл яшап, алыш-вериш япып, файда корермиз», – дейсиз. 14#Збр 101.4; Икм 27.1; Лк 12.18-20Сизлер ярын не оладжагъыны бильмейсиз де! Яшайышынъыз озю недир? Бир ань ичинде пейда олып, гъайып олгъан був кибидир. 15#Фаал 18.21Бунынъ ерине бойле айтынъыз: «Эгер Рабби къысмет этсе, биз яшармыз ве бойле-бойле ишлер япармыз». 16Сиз исе шимди макътанасыз, бурун котерип юресиз. Эр бир бойле макътанчакълыкъ ямандыр. 17#Юх 9.41Демек, ким хайырлы иш япмагъа керек олгъаныны билип, япмаса, гуна къазана.
S'ha seleccionat:
Якъуп 4: CTB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© Институт перевода Библии, 2016