Exodus Iḷitchuqqutit
Iḷitchuqqutit
Atiq Exodus sivuniqaqtuq “aullaammata,” suli sivuniġivlugu nuimaruaguniqtaq nalautinŋaruaq Israel-gum kiŋuvaaŋich isagutisaaġniŋanniñ qaŋa, uqaurrusiatitun uumani makpiġaami aullaammata iñuŋich Israel Egypt-miñ, kivgauvigmigniñ. Una makpiġaaq sisamaigunŋaruq: 1) atanġiqsitaummata Hebrew-guruat kivgauniġmigniñ; 2) iglauniŋat Mount Sinai-mun; 3) God-im sivunniuġutaa iñugmiñun Sinai-mi, qaitchiruaq nalaunŋaruakun, iñuuniaġniŋanni, suli ukpiġutikun maliġiraksraŋiññik pitquranik; 4) nappaġniŋanik suli suġautchiqsuġniŋanik nanġaiviksram Israel-guruanun, pitquraksraŋiḷḷu aŋaiyyuliqsiqpauruat aasii suli nanġautiqaġnikun God-mun.
Qaukłiġivlugu, uuma makpiġaam quliaŋagaa qanuq God savaŋatilaaŋanik, atanġiqsaupkaġmagich kivgauniŋanniñ suli nunaqpaguqtiłługich niġiuktuaġumiñaqsivḷugich sivuniksraŋanni.
Nuimaruaguŋaruq iñuk uumani makpiġaami Moses, iñuk God-im naliġaaġiraa aullatitquvlugich iñuni Egypt-miñ. Sumipayaaq iḷitchuġiŋaraat uumani makpiġaami ittuaq tavra taapkuagurut Qulit Piraksriutit avgunmi 20-mi ittuat.
Avgutit
Israel-gum kiŋuvaaŋich atanġiqsauvlutiŋ aullaġmata Egypt-miñ 1.1—15.21
a. Kivgaummata Egypt-mi 1.1-22
b. Moses animman suli miqłiqtuumman 2.1—4.31
c. Moses-lu Aaron-lu sivuġaanugmagnik umialgata Egypt 5.1—11.10
d. Qulaurrusiqimmata aullaqłutiglu Egypt-miñ 12.1—15.21
Red Sea-miñaglaan Mount Sinai-mun 15.22—18.27
Pitqurallu sivunniuġutauruaġlu 19.1—24.18
Salumaruaq Tupiq suli maliġiraksriat nanġaikpata 25.1—40.38
S'ha seleccionat:
Exodus Iḷitchuqqutit: INUPIAQ
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)