Exodus 1
1
Israel-gum Kiŋuvaaŋich Aŋalamaqłuksiqsut Egypt-mi
1 #
Gn 46.8-27. Iġñiġutiiŋich Jacob-gum Egypt-muqatigiŋaraŋich, qitunġallaatiglu, ukua 2Reuben, Simeon, Levi, Judah, 3Issachar, Zebulun, Benjamin, 4Dan, Naphtali, Gad, Asher-lu. 5Iñugiaktilaaŋat taapkua iñuich kiŋuvaaġiraŋisa Jacob piŋasukipiaq quliuŋarut (70). Iġñiŋa Joseph Egypt-miitaniŋavluni. 6Iñuuvlutiŋ tainna Joseph-lu, aniqatiiŋiḷḷu, iluqaġmiglu iñuuqatipayauraŋich tuquġaaŋarut, 7#Ac 7.17.aglaan kiŋuvaaġiraŋich, Israel-gum kiŋuvaaŋich, iñugiaktuanik miqłiqtuqaŋarut suli iñugiaksipiaġataqhutiŋ, suaŋammivḷutiŋ, Egypt nunaŋa siḷivinŋagaat.
8 #
Ac 7.18. Ukiut iñugiaktuat qaaŋianigmata umialitchiaŋarut. Naluŋaruq qanuq Joseph ikayuutauŋatilaaŋa Egypt-miunun. 9Uqallaŋaruq iñugmiñun, “Atta! Naalaġnisitchi! Uvvaukua Israel-gum kiŋuvaaŋich iñugiakpaktut suaŋammivḷutiŋ, anayasaaġutaurut uvaptinnun. 10#Ac 7.19.Iḷaanni aŋuyakpata iḷaliutilutiŋ akiḷḷiptignun aŋuyakpiaġaatigut, aasii annaglutiŋ nunaptinniñ. Paqittuksraurugut sumik iñugiaksivsaaġnaiḷutauruamik iliŋiññun.” 11Tavraasi tiliuqtiliqsuŋagaich nagliksaaqtitaġisaqługich siġġaġnaqtuanik savaktiłługich. Israel-gum kiŋuvaaŋich nappaŋagaik nunaaqqik Pithom-lu Rameses-lu suġauttaqaġvigisaqługik umialigmun. 12Aglaan Egypt-miunun nagliksaaqtitkaluaqtiłłutiŋ, iñugiaksiñmuktuvsaaŋarut iniksraiḷiqiliqsaallaġmik. Egypt-miuguruat sivuuġagiliŋagai Israel-gum kiŋuvaaŋich 13-14aasii nagliksaaqtinŋagaich nunurivḷugich kivgaġiŋagaich. Savaktinŋagai igluqpiamignik savaktiłługiḷḷu sunigliqaa nautchiivigmigni, naglikkutaiñŋammiut iliŋiññun.
15Tavraasii Pharaoh-m piraksriŋagaik Shiphrah-lu Puah-lu, iġñipkairauruak Hebrew-guruanun aġnanun, 16“Iġñipkaiguvsik Hebrew-guruanik aġnanik, tuqutchaġiksik iḷiḷgauraq aŋutaiyaaguniqpan; aglaan aġnaiyaaguniqpan, iñuupkaġlugu.” 17Aglaan iġñipkairik qiksikkutiqaŋaruk God-mun tavraasii kamagiŋił̣ł̣ugu Pharaoh; aasii iñuupkaqługich aŋutaiyaat. 18Tavraasii Pharaoh-m qaitquŋagaik iġñipkairik aasii apiġivlugik, “Immaimña suqpakpisik? Kamakkutaiḷak-asuukuak! Summan aŋutaiyaat iñuupkaqtaqpisigik?”
19Iliŋikta kiugaak, “Hebrew-guruat aġnaŋich Egypt-miut aġnaŋisun inŋitchut; iġñisuurut siġġaġnaiḷaakun, aasii iġñianiŋaraqtut tikiñŋaisillunuk.” 20-21Iġñipkairik qiksikkutiqaġmagnik inmiñun, God-im nakuugutiŋagaik aasiiptauq qitunġipkaqługik. Israel-gum kiŋuvaaŋich aasii sivunmun kiikaa iñugiaksisaiññaŋarut suaŋasiqpakłutiglu. 22#Ac 7.19.Kiisaimmaa Pharaoh piraksriiñiqpuq iñugipayaaqtamiñun: “Hebrew-guruat aniqqammiqsuat iluqaisa aŋutaiyaat igitchaġisi Nile-mun kuugmun, aglaan aġnaiyaat iñuupkaġlugich.”
S'ha seleccionat:
Exodus 1: INUPIAQ
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)