JEREMIA 45
45
Baruk kilim Thiyusheak
1Jeremianü Baruk ki thiyubo thaa küpqiu kheak thrütshih dunglim, Josia tsührü Juda kiulongthsüpuh Jehoiakim kam phüyipü ching wukihbuh Jeremianü Neria tsührü Baruk ki tha: 2O Baruk, ha Atungpuh , Israel Thrünpuhnü nü ki thachoh: 3Nünü tha, “ I are! Atungpuhnü I thsünükhi alü kamshihdo; I ashearakhinü khia lah tüsho sühakhim müngü.” 4Nünü api ki ha thaang, “Atungpuhnü ha thachoh: Lomi alala ching inü tümü thsükheanü thokheambah, tüsho inü akhimkhi rukkhitbah. 5Tüsho nü thsungkheak nünü kukruk atobo yimcho de? Jurübo düyim; tümüde mihtsürü alala kheak inü thsümütsü handarübah, Atungpuhnü thachoh; tüshe nü kürü ching yübanü inü nü rhangdung tsokhitshihbah.”
S'ha seleccionat:
JEREMIA 45: YIMCBSI
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.