Versets bíblics populars de Galad 6

Comparteix

Hɨn̰ wo̰ na, kuɗa gɨ na leegɨŋ ɗarwa dan̰ wɔlɛ pɨna pɨna bɨ, na ɗɔɔ ba gɨlale toy nee naŋ bɨ. Hɨn̰ gɨ na na gɨlalagɨŋ toy nee naŋ na, na kɨya wɔɔgɨŋ cay kobɨnagɨŋ boy wɔlɛdi gɨŋ.

Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.

Gɨrɨn̰gɨŋ gusɨgɨŋ nee ƴan̰gɨŋ hɨnga ga nɨn̰i ga kɨŋ kojɨ. Na hɨn̰ wo̰ ma magɨŋ kɨya lɔɔ gasɨn̰-kɔl gɨ da Kɨris le dɨɗe.

Ɗagɨŋ muɗɔlɛ cay gusɨgɨŋ, naregɨŋ cɨn̰ gusɨgɨŋ naŋ. Kumu le, ungo kɨya ɓale sogii naŋ. Hɨnga ga ungo gɨsɨ le, na kan ga nee le kɔ ma ban kɨya wale.

Hɨn̰ gɨ ungo na gɨsɨ hɨnga ga ni dɨɗɨn̰ tabɨlaŋdi hɨnga ga da kuyoŋdi-gusi na, cay kobi na tɨma. Ama hɨn̰ gɨ ungo na gɨsɨ hɨnga ga da Turnɔ di da Kumu na, cay kobi na sɔmɛ-bɨra gɨ dan̰ cɨndi gɨ na cay kɔbɔ gɨ da Turnɔ di da Kumu.

Karmɨnɨ ga ban̰aŋ dan̰ ga kandɨ, hɨn̰ gɨ kɨŋ na ƴɨma ungo a cay lɔɔ hɨnga ga dan̰ gɨyəŋdɨge naŋ gaŋ na, kɨŋ ga Turnɔ di da Kumu woy kuduroygɨŋ le, kɨŋ jɨgen̰ danayi dan̰ kaledɨgɨŋ ga jali ɗe ban jɨga a te gɨyəŋ gɨ dan̰ durɔ ɗɨngar gɨŋ. Ji gama gusɨn̰ kuɗa naŋ na, ji kalɨn̰ ma ji da bɔɔ boy hɨnga ga ni gɨybe gaŋ bɨ.

Hɨn̰ gɨ ungo na laa gusi ɗi naa gɨ gumu ɗɨn̰ karmii bɨrɨŋ jɨbɨn̰ toyge naŋ na, leen̰ cɨndi na ban laa hɨnga pɨna naŋ bɨ, nar na gusi koyi gaŋ bɨ. Ɗe gɨ waŋ waŋ kalɨn̰ ma kɨba gɨye-lɔɔdi koyi gaŋ sɨla. Hɨn̰ wo̰ na ban kɨya lɔɔ gusi-mɔwa a cay gɨye-lɔɔdi koyi gɨ ban lee bɨ, kɨya sɔlɛ gɨye-lɔɔ gɨ da ungo gɨ ɗaŋ gɨsɨn̰ dan̰ koyi naŋ. Leen̰ cɨndi na, waŋ waŋ kalɨn̰ ma kɨya kɔjɛ na gɨye-lɔɔdi koyi gaŋ tumoy Kumu.