Versets bíblics populars de Epɛs 1

Comparteix

Kuɗa gɨ ban andaŋ ɗugoygɨŋ agɨŋ solɨn̰ hɨnga ga kɨŋ bee ɨrɨmedɨgɨŋ cay nee, gɨ ban təgɨŋ agɨŋ na way le bɨ, ɗe agɨŋ solɨn̰ kandi-wɔɔ bɨ, gusoŋ-tɔgɛ bɨ, gɨ da hɨnga ga ni ban̰di-gulɔŋ ga woy ojɨ cay kan ga woyge dan̰ cɨndɨge, ɗe ana na solɨn̰ dɔnɔ di kondi di lee gɨye kol cayna na-gandi ka-aye kudurɔ le bɨ. Na dɔnɔ di ɗɨn̰ cɨn̰-kɨɗɨn̰ bɨ, hɨndi ma na dɔnɔ di Kumu gɨl a cay Kɨris, kɨɗɨn̰ ga ban boyi lɨbii duroy kalaŋ ga madɨrdaŋ gaŋ bɨ, ayi orɨn̰ danayi gɨɗɨgɨ-Kumu gɨŋ orɨn̰ si cay kobi gɨ bara gɨŋ. Ban si a cay Ka-dɔɔ cay ƴaa gaŋ bɨ, cay kalaŋ ga gusondɨge ye bɨ, cay Dɔnɔn̰əŋ bɨ, cay hɨnga nɔm ga orɨn̰ dan̰ dɔnɔ naŋ le tɨrɨmbala bɨ, cay gusoŋ nɔm bɨ, na a cay gɨsəŋ gaŋ kɛ ƴɔbɨ naŋ, ama a cay gɨsəŋ ga hɨrɨwa ga kɨya ɨrga nee bɨ.

Na toy di hɨn̰ wo̰ ma Kumu torna ɗena dan̰ cɨndɨna kol cay Kɨris bɨ, te bugoŋ gɨ na bugoŋ pɨna danayi tumɔ pa dɨm ma ban ɗen̰ cay gɨsəŋ ƴee, ɗe gɨ ana na won̰ dan̰ cɨndɨna bɨ, masadɨna na unɔ bɨ, a tumoyi. Dan̰ geye koyi, Kumu tumɔ ojɨ gɨ ɗi na kɨya lɔɔ gɨ na na bɨləŋ karɨndi kol cay hɨnga ga Jesu-Kɨris ba lee. Na hɨnga ga ban gey gɨ na wɨya hɨn̰ wo̰ kɨya cay ɗarwa toyi.

Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Kuɗa gɨ hɨrame wɨya uja cay Kumu bɨ, Ba-gulondɨna Jesu-Kɨris Bay bɨ. Kɨya wa ban tor-kɨbi cayna kol bugoŋ gɨ na bugoŋ pɨna dan̰ Kɨris. Kɨɗɨn̰ ga ban bɨna hɨnga ga ni tɔrɛ-kɨbɨ nɔm ga dan̰ cɨndɨge cɨndɨge ga gɨɗɨgɨ-Kumu gaŋ ga sayga gusi Turnɔ ɗe-kuduroy-bɛrɛ.