Versets bíblics populars de Galad 5

Comparteix

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ, kaledi ungo gɨ jal bɨ, dɔnɔ di ni ƴomɨn̰-gusɨn̰ cay hɨnga bɨ. Hɨnga ga nee le nɔm, gasɨn̰-kɔl kan̰age naŋ.

Jagɨŋ, kɨbagɨŋ Kumu dan̰ gɨyəŋ gɨ da Turnɔ ɗe-kuduroy-bɛrɛ hɨn̰ wo̰ na, kɨŋ kɨya kɔbɛ tabɨlaŋdi lɔɔ hɨnga ga da kuyoŋdi-gusɨgɨŋ naŋ.

Hɨn̰ gɨ na na sɨmagɨŋ-bɨra naa dan̰ gɨyəŋ gɨ da Turnɔ di da Kumu na, kuɗa gɨ na ɗɔɔgɨŋ ɗe dor tumoynagɨŋ bɨ.

Kalaŋ ga da Kɨris le gagɨlge kuyoŋdi-gusɨge dan̰ tabɨlaŋdi hɨnga ga ul kuyoŋdi-gusɨge bɨ, dan̰ tabɨlaŋdi hɨnga ga da kuyoŋdi-gusɨge a cay sɨya-gɨ-dagɨli gɨŋ.

Kalaŋ nɔm solge tabɨlaŋdi hɨnga ga ɨsɨni ga da kuyoŋdi-gusu le. Kan ba wɔyɛ kɛ: Yɔyɛ dan̰ gangɨ caygɨŋ bɨ, lɔɔ hɨnga ga ni dasi bɨ, yɔyɛ gorɨn̰ daa bɨ, n̰ɨre kula bɨ, lɔɔ tɨmba bɨ, ƴɔmɛ-ungo-kuduron̰ bɨ, bɔjɨn̰ɛ bɨ, cɨn̰-pɨɗɨma bɨ, lɔɔ kuduroy-hɔmɛ bɨ, jangɨ bɨ, gasɨn̰-ɓalɨn̰a naŋ bɨ, pɔyɛ kalaŋ duroy nee bɨ, orɨn̰ dan̰ tabɨlaŋdi hɨnga ga da mɨgan̰ bɨ, kɔydɛ cɛrɛ tɔgɨ bɨ, lɔɔ harne bɨ, hɨnga ga ɗaŋ ga gɨlɨn̰ hɨn̰ wo̰ bɨ. Aŋ yəgɨŋ tumɔ jugu hɨn̰ gɨ ɨŋ ba yəgɨŋ le, kalaŋ ga ka-lɔɔ hɨnga ga hɨn̰ wo̰ le, kɨya andaŋge a boy dɔɔ-ƴaa di da Kumu dɨŋ naŋ.

Ay, karmɨnɨ ga ban̰aŋ dan̰ ga kandɨ, Kumu təgɨŋ kɨya gɨ ban gey gɨ kɨŋ na gura caygɨŋ kalɨn̰. Ama kɨŋ aye gɔrɛ cay kalɨn̰ le, loon̰ jɨba di ni loon̰ hɨnga ga kuyoŋdi-gusɨgɨŋ gey kalɨn̰ wo̰ naŋ. Ama kɨŋ laa gɨye bɨn̰ gusɨgɨŋ hɨn̰ gɨ kɨŋ naa gɔyɔŋ dan̰ gusɨgɨŋ wo̰.

Kɨya wa hɨnga ga kuyoŋdi-gusɨna gey le, na hɨnga ga Turnɔ di da Kumu gey naŋ. Bɨ hɨnga ga Turnɔ di da Kumu gey le, na hɨnga ga kuyoŋdi-gusɨna gey naŋ coŋ. Lee gɨ kan kan̰ge gusɨge, na ɗe gɨ agɨŋ na wan̰ gɨyəŋ gɨ ni loon̰ hɨnga ga kuduroygɨŋ gey naŋ.

Kɨya wa gasɨn̰-kɔl gɨ da Kumu nɔm duroyi na pɨna hayi ƴɔbɨ, ban ba kɛ: «Ji kɨya ɗɔɔ mɨgan̰ jam tɨdɨn̰ dɨŋ, Hɨn̰ kuyoŋdi-gusɨn̰ wo̰.»

Ɗɔɔnagɨŋ ba dɔgɛ jorgɨynagɨŋ naŋ bɨ! Bɔjɨn̰dɛnagɨŋ dan̰ gusɨnagɨŋ naŋ bɨ, lɔɔnagɨŋ cɨn̰-pɨɗɨma dan̰ gusɨnagɨŋ naŋ bɨ.

Kɨris bɨlnagɨŋ leen̰ kalaŋ ga somge cayge kalɨn̰, ɗe gɨ ana na orɨn̰gɨŋ cay nagɨŋ kalɨn̰. Ɨrgɨŋ usa cay nee bɨ, kan̰agɨŋ bɨle gɔyɔŋ coŋ ɗaŋ coŋ.