Versets bíblics populars de Epɛs 2

Comparteix

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Ho’o, Kumu poɗɨgɨŋ na kɨya kuduroy-ɗarwa toyi, dan̰ gɨyəŋ gɨ da kuduroygɨŋ ga kɨŋ bee a cay Jesu-Kɨris. Na kɨŋ ba-pɔɗɛ gusɨgɨŋ naŋ. Pɔɗɛ na hɨnga ga ni bee kalɨn̰ ga Kumu bɨgɨŋ. Na gɨye-lɔɔdɨgɨŋ ba poɗɨgɨŋ naŋ, lee gɨ ungo gɨ kɨya dɔgɛ jorgi kol caa unɔ.

Ama sɔlɛ cɨn̰-n̰age di da Kumu ɗɨn̰ hɨnga nɔm bɨ, ban geyna dan̰ wandɨ di gumu tɔgɨ bɨ. Na toy di hɨn̰ wo̰ na-gandi ga na woy hɨn̰ kalaŋ ga madɨrdaŋ coŋ kɨya cay hɨnga ga dan̰ gɨyəŋdɨge naŋ ga na lee le, ban bɨna sɔmɛ-bɨra gɨ hɨrɨwa te bugoŋ gɨ na bugoŋ pɨna dan̰ Kɨris. Ho’o, na dan̰ gɨyəŋ gɨ da ɗarwa di da Kumu ƴɔbɨ ma magɨŋ poɗɨn̰.

Kumu boyna lɨbna te bugoŋ pɨna dan̰ Jesu-Kɨris bɨ, or ɗena pɨna danayi a gɨɗɨgɨ-Kumu gɨŋ daa nii.

Lee gɨ haw kɛ, kɨŋ ka-aye kudurɔ ga toygɨŋ na Jubɨ naŋ le, kɨŋ na kɨrge naŋ ɨni bɨ, kɨŋ na kalaŋ ga pɨna danani ɨni bɨ. Kɨŋ bɨle na te kalaŋ ga pɨna dan̰ kalaŋ ga woyge dan̰ cɨndɨge bɨ. Kɨŋ na te wandɨ da Kumu bɨ. Dan̰ kɨradi-kɔl gɨ ɗaŋ, Kumu aygɨŋ leen̰ ƴaa di ban somɨn̰ nee. Te ƴaa le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ama Jesu-Kɨris gusi ma na oru gɨ kuɗa ɗɨn̰ kamdi gɨ ɗege tɨbɨn̰ ƴaa gɨ ƴom kalaŋ pɨna.