Versets bíblics populars de Romano 5

Comparteix

Maamina Tachi Ak'õrepa tachi minachia k'ɨ̃ria bɨt'a unupisima wapida nemietaade p'anɨne Cristo tachi k'orea piuda pẽra.

Mãɨ seawẽma, mãɨpari piarã jitadaipɨ. Mãɨya k'awa p'anɨma Tachi Ak'õrepa ichi Jaore tachiá teada pẽra. Ichi Jaoredepa tachi sõne k'awapi bɨma tachi piarã minachia k'ɨ̃ria bɨt'a.

Mãɨ awara tachi minachia mĩa p'anɨne arapá p'anapatama k'awa p'anɨ pẽra makɨɨdepa pia choa k'awadait'a. Mãɨ choa p'anɨnepa k'awa p'anɨma Tachi Ak'õrepa tachi pia unu bɨt'a. Makɨɨdepa k'awa p'anɨma Tachi Ak'õre pia bɨdepema jitadait'a.

Tachi Chipari Jesucristode ĩjãa p'anɨ pẽra Tachi Ak'õrepa tachi chi ichidirã jĩp'a berã paara bɨsima. Mãɨpuru Cristodepa Tachi Ak'õre ome sõpia p'anɨma. Mãɨ awara Jesucristode ĩjãa p'anɨ pẽra Tachi Ak'õrepa ichi sõpiadepa tachi ewaricha k'aripaparima. Mãɨnepa arapá p'anɨma k'awa p'anɨ pẽra Tachi Ak'õre pia bɨdepema jitadait'a.

Ara tachit'u tachi nemietaadepema p'ue ãyá wãnawẽa p'anasidaɨde Tachi Ak'õrepa bɨda ewaride Cristo tachi chi k'achia berã k'orea piusima.

Cristo oa ãrinanepa Tachi Ak'õrepa tachi chi ichidirã jĩp'a berã paara bɨparima. Mãɨpuru Cristodepa Tachi Ak'õrepa tachi ɨtɨai pada piarã k'aripaipɨ.

Piarã ẽpẽra aba bɨpa Tachi Ak'õrepa jarada oodawẽ pẽra chok'ará ẽpẽrarã nemietá oopataɨrã p'aneesidama. Mãɨnepa ẽpẽra abaɨpa Ichia jarada jõma ũrisi pẽra chok'ará ẽpẽrarã Tachi Ak'õrepa jĩp'a p'anɨane aipɨ.

Mãɨ awara Tachi Chipari Jesucristodepa Tachi Ak'õre ome pia p'anɨ pẽra ichidepa Tachi Ak'õre ome sõpia p'anɨma.