Versets bíblics populars de Romano 4

Comparteix

Mi ãpia pida k'ɨ̃risiaé pasima Tachi Ak'õrepa teai jarada teaiwẽt'a. Mãɨpari sõnepa piarã minachia ĩjãa basima mãɨnepa Tachi Ak'õrea pia pedeapachima. K'awa basima Tachi Ak'õrepa ooi jarada piarã jõma p'ue ooit'a.

Tachi Ak'õre pedeade nãɨya bɨ bɨma: «Mɨa pɨ bɨsima chok'ará p'uuru be ak'õre bamẽrá». Piarã Tachi Ak'õre k'ĩrari Abrahán jõma tachi, chi Tachi Ak'õrene ĩjãa berã ak'õrepɨ. Abrahanpa ĩjãa basima chi piudada chok'ae p'irabaripiparí mãɨnepa chi nenea bɨdepa ne ooparí Tachi Ak'õrene.

Ichia Jesú bɨsima tachi nemietá k'orea piumẽrá. Maapae piu badadepa chok'ae p'irabaripisima tachi chi ichidirã jĩp'a berã paara bɨi k'orea.

Tachi Ak'õrepa nãɨya jarasima: «Pɨdepa chedaadarã chok'ará tuananaipɨ». Abrahanpa p'ue warra unuiwẽ k'awa bɨmina ĩjãasima Tachi Ak'õrepa warra unupiit'a ichia jarada jĩra. Mãɨya ĩjãa bɨdepa chok'ará p'uuru berã ak'õre beesima Tachi Ak'õrepa jarada jĩra.

Tachi Ak'õrepa teai jarada tachia jitadaipɨ ichide ĩjãa p'anɨ pẽra. Tachi Ak'õrepa ichi sõpiadepa mãɨ pari tea bɨma. Mãɨpuru jõma Abrahán ẽpẽrarã, chi Moisepa bɨdadepa p'anɨrãpa, mãɨ piarã jitadaipɨ. Maamina abapuru ãchiapuru jitadaiwẽma, mãɨpari judiorãwẽ pida Abrahán jĩra Tachi Ak'õrene ĩjãanaipɨra jitadaipɨ. Mãɨya Abrahán jõma tachi, chi Tachi Ak'õrene ĩjãa berã ak'õrepɨ.

Nãɨya jarasima: «Chi ẽpẽrarãpa Moisepa bɨda oodawẽa p'anana mãɨnepa nemietá oodada Tachi Ak'õrepa k'ɨ̃risia atuasira minachia pia p'ananaipɨ. Ẽpẽrapa nemietá ooda k'orea Tachi Chiparipa nepɨra newẽa bɨade aipɨra, mãɨ ẽpẽra minachia pia baipɨ».

Tachi Ak'õre pedeade nãɨya jara bɨma: «Abrahanpa Tachi Ak'õrene ĩjãasima. Mãɨ k'orea Tachi Ak'õrepa ichi nepɨra newẽa bɨade a jarasima».