Versets bíblics populars de Romano 11

Comparteix

Tachi Ak'õrepuru nejõma oosima. Nejõma ichidepa bɨma mãɨnepa ichi pae bɨma. Tachia ewaricha ichiá pia pedeadai p'anɨma. Mãɨya beese.

Tachi Ak'õre minachia ne k'awa bɨma mãɨnepa k'ɨ̃risia k'awa bɨma. Ichia ooi k'ɨ̃risia bɨt'a mi ãpia pida p'ue k'awadaiwẽma. Ichia oo bɨ sida p'ue k'awadaiwẽma.

«¿K'aipa Tachi Chipari k'ɨ̃risia k'awa bɨma? ¿K'aipa ichiá k'ɨ̃risia jarateaparima?

Ara mãɨ jĩra nãɨ ewaride pida Tachi Ak'õrepa ichi sõpiadepa tai judiorã chok'araawẽa p'anɨt'a ichi pae uru bɨma. Mãɨya Tachi Ak'õrepa ichi sõpiadepa jɨrɨ atasipɨra, taipa oo p'anɨ k'orea jɨrɨ ataé pasima. Taipa oo p'anɨ k'orea jɨrɨ atadapara, mãɨyara ichi sõpiadepa jɨrɨ ataiwẽ pasima.

Chi eda waapẽarã judiorã Tachi Ak'õre awara p'aneesidama olivo pak'uru jua t'ɨat'upataɨ jĩra. Mãra judiorãwẽ Tachi Ak'õre newẽa p'anasidama olivo pak'uru chi ichi tuaba mẽa warida jĩra. Maamina mãra Tachi Ak'õrene ẽpẽrarã p'aneesidama, pak'uru jua chi t'ɨat'udade ara mãɨ juade wãa nɨbɨda jĩra. Mãɨya naapae Tachi Ak'õrepa mãra sida k'aripa bɨma judiorã k'aripa bada jĩra. Maamina k'ɨ̃risiarãt'ɨ mãra judiorãwẽ Tachi Ak'õre k'ĩrari atepe pia bet'a judiorã k'aepẽra. K'ɨ̃risiat'ɨ mãra chi k'arradepa chok'ae p'anɨt'a. Chi k'arra mãranepa chok'ae bɨwẽma.