Versets bíblics populars de Romano 12

Comparteix

Chi nãɨ ĩjũanepemarãpa oopataɨ jĩra niparãt'ɨ, mãɨpari k'ɨ̃risia chiwidi Tachi Ak'õrepa tea bɨdepa jĩp'a nipat'ɨ. Mãɨya Tachi Ak'õrepa k'ɨ̃ria bɨt'a mãrapa k'awadaipɨ. Jõma ichia k'ɨ̃ria bɨt'a pia bɨma, jĩp'a bɨma mãɨnepa ichia pia unu bɨma.

Mãɨpa ũpẽarã, Tachi Ak'õrepa mãra k'ĩra chupuriada pẽra, mɨa mãrá chichupuria idiruma ara machi Tachi Ak'õrea teadamẽrá, ãnimara peadak'ari, paateapata jĩra. Mãɨ ãnimara piuda k'aepẽra, ichi pae pia p'anat'ɨ mãra pia unumẽrá.

Tachi Ak'õrenepa nepia jitadai k'awa p'anɨ pẽra arapá p'anat'ɨ. Mĩa p'anɨne choat'ɨ. Ewaricha Tachi Ak'õrea ɨt'aa chiidit'ɨ.

Abaɨ pida mãra piawẽa oo baipɨra abarik'a oorãt'ɨ. Mãɨpari pia oot'ɨ ichi k'ĩra p'erak'ari ichia piawẽa oo bɨ itu bɨmẽrá.

Piarã k'ɨ̃rianepa chi k'ɨ̃ria p'anat'ɨ. Chi waapẽarã ome pia p'anat'ɨ, ãchi machi k'aepẽra atepe p'anɨ jĩra mãɨnepa waapẽarã k'orea pia k'ɨ̃risiat'ɨ.

Machi sõnepa chi k'ɨ̃ria p'anat'ɨ. Jõma nemietá itu bɨt'ɨ. Chi pia bet'a oopariet'ɨ.

Mãrapa jɨrɨt'ɨ jõmãɨrã ome ne k'ɨ̃risiawẽa p'ananai k'orea.

Ũpẽarã, abaɨ pida mãra piawẽa oosira abarik'a piawẽa oorãt'ɨ. Mãɨpari itu bɨt'ɨ Tachi Ak'õrepa ɨtɨamẽrá. Tachi Ak'õre pedeade nãɨya bɨ bɨma: «Mɨapuru mãɨrã ɨtɨaipɨ. Ãareaɨrã́ teaipɨ ara ãchia nemietá oodada jĩra», a jara bɨma Tachi Chiparipa.

K'oa p'anarãt'ɨ, mãɨpari chok'ea p'anat'ɨ. Tachi Chipari Jesupa k'ɨ̃ria bɨt'a sõnepa jõma oot'ɨ.

Tachi Ak'õrepa ichi sõpiadepa mɨ bɨsima ichi pae ne oo bamẽrá. Mãɨpuru mɨa mãrá nãɨ jararuma: mi ãpia pida k'ɨ̃risiaiwẽa bɨma ara ichi chi atepe bɨt'a. Mãrapa Cristode ĩjãanana pẽra Tachi Ak'õrepa machicha ne awara awará teasima ne oodamẽrá. Mãɨpuru ichia teada jĩra machia oo p'anɨ k'orea pia k'ɨ̃risiat'ɨ.

Abaɨ pida mãra piawẽa ooipɨra, ara mãɨya oorãt'ɨ. Jõmãɨrã k'ĩrari pia oot'ɨ.

Jõmãɨrã ome pia p'anat'ɨ. Chi waapẽarã k'aepẽra pia be k'ɨ̃risiarãt'ɨ, mãɨpari chi chupuri k'ede ome pia p'anat'ɨ. Mãrapa waapẽarã k'aepẽra minachia k'awa p'anɨ jĩra k'ɨ̃risiarãt'ɨ.

Mãɨnepa Tachi Ak'õre pedeade nãɨya bɨ bɨma: «Pɨ nek'ĩramá jarrapisia bɨde nek'opise. Opisia bɨde pania topise. Mãɨya ooipɨra, ichi minachia k'ĩra p'erapiipɨ».

Chi mãra ẽp'ẽ berã́ pia pedeat'ɨ. Tachi Ak'õrea ɨt'aa chiidit'ɨ waapẽarã pia bapimẽrá; ɨt'aa chiidirãt'ɨ ãchi mietá bapimẽrá. Chi arapá be ome arapá p'anat'ɨ. Chi sõp'ua be ome sõp'ua p'anat'ɨ.

Ẽpẽrarã Tachi Ak'õreneerã chi nenea k'ede k'aripat'ɨ. Chi mãra tede cheutá pia pedeat'ɨ.

Tachi k'ak'ua aba bɨmina tachi k'ak'uade chok'ará uru p'anɨma: jua, jĩru, poro, nejõma. Maamina tachi k'ak'uade bepa abarik'a oodak'ama. Ara mãɨ jĩra tachi chok'ará p'anɨmina, Cristo ome p'anɨ pẽra k'ak'ua aba bɨ jĩra p'anɨma. Mãɨya tachi jõmãɨrã k'ak'ua abaɨde ará p'anɨma.