Versets bíblics populars de Romano 10

Comparteix

pɨ it'aedepa Jesú jõmãɨrã Chipariade aipɨra, mãɨnepa Tachi Ak'õrepa ichi chok'ae p'irabaripisit'a pɨ sõnepa ĩjãaipɨra, Tachi Ak'õrepa k'aripaipɨ.

Piarã chi mãɨpa sõnepa ĩjãaipɨra, chi Tachi Ak'õre taade jĩp'a berã paara baipɨ. It'aedepa Jesú jõmãɨrã Chipariade aipɨra ichia k'aripaipɨ.

Piarã ẽpẽrarãpa Cristo k'orea naa ũrinai p'anɨma, ichide p'ue ĩjãanai k'orea.

Tachi Ak'õre pedeade nãɨya bɨ bɨma: «Chi ichide ĩjãa bɨpa pari ĩjãa baiwẽma». Tachi Ak'õre jõmãɨrã Chipari pẽra judiorã mãɨnepa judiorãwẽ sida abarik'a ooparima. Ichiá k'ĩra chupuria idiuta minachia k'aripaparima. Tachi Ak'õre pedeade nãɨya bɨ bɨma: «Chi Tachi Chiparia chichupuria ɨt'aa idiutat'a ichia ãarea k'aripaipɨ».

Tachi Ak'õrepa abaɨ pida peewẽpɨra, ¿sãmaasã́ jarateade wãnaima? Tachi Ak'õre pedeade nãɨya bɨ bɨma: «Chi pedea pia jarade cheuta minachia pia p'anɨma».

Maamina ẽpẽrarãpa wapida Tachi Chipari Jesucristode ĩjãanawẽa p'anɨne ¿sãmaasã́ ichiá k'ĩra chupuria ididaima? Ichi k'orea wapida ũrinawẽa p'anɨne ¿sãmaasã́ ĩjãanaima? Mãɨnepa abaɨ pida ãchiá jarateade wãwẽpɨra ¿sãmaasã́ ichi k'orea ũrinaima?

Maamina mãɨya p'ananai k'orea ãchia chi ley oopachidaedapema k'aepẽra, Cristopa ãarea oosima. Chi Cristode ĩjãauta Tachi Ak'õre k'ĩrari jĩp'a berã unuparima.