Versets bíblics populars de Gaqlaqtil 6

Comparteix

Al heel ngel-i mail gaq maq bhaq dai, aqmeeq phaq nl bhel. Ngadao neema maq cov haq neq, yanq kev lal-u phao, ya gaiq nail ngaol.

Khal eivq lal-u phao, tsaol-aq iqsanl nail haqbhoil aqmeeq phaq nl bhel. Yeiqsul bhai neema thaq tsaol nail lavqkhoel aqivq jaqbheq pevq nail tsaol-aq juq nail haqbhoil, a dai nee maq tsil nl bhel.

Nul juq teevq gaq nail yalkav teevq gaq tsao phi yaoq. Tsao phi haq neq, nul juq Khali nail aoldaoq kovqdaoq bhai nl bhee thail thaiq nail ngaol.

Thaq noeq bheeq dei-eiq. Tsaol-aq teevq gaq iqsanl, Miqyail bhai khal nl movq ail maq nl nia-ail. Yovqgavq-i mail aqiq haiq-a nail khe-ai, yovqgavq ya gaiq nail ngaol.

Aqsivq haqjoil bhai tavq nail phaq, haiq haq neq, aqsivq haqjoil buvq ail tsiq ail nail phaq ya gaiq naol. Thail hai ngaol-aoq, Aqhaqlal Miqyail bhai tavq nail phaq haiq haq neq, Aqhaqlal Miqyail bhaq da nee nqmaq maqluv halyeel doevq nail phaq ya gaiq nail ngaol.

Aqivq jaqbheq juq-ol, tsaol-aq teevq gaq ga nav nl laiq haq neq, aivq meeq lal jaq lal dai, nul juq nail lavqkhoel khe, aqhaqlal phao gaq kav nail juq, neema nee nuq nee beiv aol nail lavqkhoel nee, aivq bhai tsao jao-ai bhiq yaoq. Thail hai ngaol-aoq, naol iqsanl jalmul mul nail haoqnao maq ya tsao thel aivq dai, yaol phaol yaoq.

Tsaol-aq teevq gaq ga nav, teevq phaq ail maq nl nia khi ngaol-aoq, “Ngal nl kivq dee dee naol” dai, noeq haq neq, aivq bhai aivq goiqbhaoq bhaoq nail ngaol. Tsaol-aq yaoq gaq yaoq-ao nee, yovqgavq-i mail nl-ai thaq nail juq bhai saol-nvq yaoq. Al hai saol-nvq haq neq, yu-i mail nl-a nail bhai neekhaol maq sil mail, yovqgavq-i mail nl-a nail bhai neekhaol sil nail ngaol. Khul khi mail dai ngal-aq neq, yaoq gaq yaoq-ao nee mail yovqgavq bhai dal nail ganl yovqgavq nl nail ngaol.