Versets bíblics populars de Gaqlaqtil 5

Comparteix

Thail hai ngaol-aoq, Aqhaqlal Miqyail nail aqheeq neq, goil nail gaiq-a nail, lavqkhiq tsail nail, nee sal ovq nail, nee noeq heelma ma dai noeq nail, gaoq haq gaiq-a nail, aqmeeq phaq aol nail, saljial ivq nail. Neema nee nuq nee beiv aol nail, yovqgavq nail neema bhai gaq lai nail, niil juq ngaol. Niil juq thaq nl dai, gevq-ai thaq nail aoldaoq kovqdaoq teevq daoq iqsanl maq jiav-ail.

Aqhaqlal Miqyail hel aivq lavq nail khe-ai, ail yaoq dai, ngal ge movq ail nial. Al hai ail haq neq, nul juq aqsivq haqjoil nail nee noeq neekhaol haoqnao maq ail yaoq-aol.

Ngadao Aqhaqlal Miqyail bhai juq juq ail aqdoevq doevq nail ngel haq neq, Aqhaqlal Miqyail-i mail hevq daiq lavq nail phao, ail bhel.

Yeiqsul Khali bhai khal tavq nail tsaol-aq, yovqgavq nail aqsivq haqjoil phao maqkhaiq, aqsivq haqjoil nail nee noeq neekhaol khi maivjeel jeel nail juq bhai maqkhaiq, lavqyavq kovtavq bhai tavq heivq-ao nail ngaol.

Aqsivq haqjoil nail neekhaol bhaq da nee nl-a nail ganl juq neq, niail hai bhaq laoq kheq dai, moel lal-a nail ngaol. Khaqmiq sev nail, maq meeq maq haol nail phaq nl nail, maq tsaq maq daol nail lavqkhoel nee iq thaiq tavq jaol tavq nail. Thaoq phaoq aqma maolkhoel bhai uqhuq thaoq nail, laol nail sail nail, teevq gaq nee teevq gaq neejiav jiav nail, khaq pheel jaq nail, yu bhai neekhaol maq sil nail, neema phail dee dee nail, yovqgavq nail haqbhoil taivq-ail saol-nvq nail, gaoq ail gail ail nail munl bhoilpav nail. Yu bhai maivjeel jeel nail, jil pheeq daol bov nail, maq tsaq maq daol nail aqbhee lav sav nail, al hai nl nail juq ngaol. Al heel phaq nl nail tsaol-aq, Miqyail Milkhaoq bhai maq ya aol lai ail dai, iqmoeq-u khe pov ngal nul juq bhai ge bhiq-a nail khe-ai, niil aq-il thal khe pov iqsanl ge lavq bhel.

Aqivq jaqbheq juq-ol, nul juq bhuq ail lao ail-a nail tsaol-aq ya pevq dai, Miqyail nul juq bhai khul-a nail ngaol. Thail hai ngaol-aoq, bhuq ail lao ail-a nail al bhai yovqgavq nail aqsivq haqjoil khal pevq movq nail khe-ai, thaq yuq. Goil nail gaiq-a nail lavqkhoel teevq gaq nail yaqkav teevq gaq jiovq yaoq.

Khul khi mail dai ngal-aq neq, aqsivq haqjoil nail neekhaol neq, Aqhaqlal Miqyail bhai lav tsoiq khi, Aqhaqlal Miqyail iqsanl aqsivq haqjoil nail neekhaol bhai lav tsoiq nail ngaol. Nul juq nl movq nail khe-ai maq ya nl dai, al nvq gaq teevq gaq nee teevq gaq genl dev nail ngaol.

Khul khi mail dai ngal-aq neq, “Naoq nail aqmaol bhai gaiq-a nail khe-ai, naoq nail aqjail bhai jaol nail tsaol-aq bhai gaiq-a yaoq” dai, bivq-ai thaq nail daoq al daoq nail lavqkhoel bhai, aoldaoq kovqdaoq iqsanl mail bhee lal-a nail ngaol.

Neema eeq nail maqkhaiq, iqdaiq iqtsai dov lal dai nl nail maqkhaiq, teevq gaq nee teevq gaq maivjeel jeel nail maqkhaiq niil juq bhai khaonq ha bhel.

Ngadao bhuq ail-a nail tsaol-aq pevq lal dai, Khali ngadao bhai bhi bhuq ail lavq-a nail ngaol. Al heel ngel-i mail, ivq dao dai jaol yaoq. Aol daoq kovq daoq nail Yaqkav thaq gaoq jiovq.