Versets bíblics populars de Eilpheilsu 1

Comparteix

Ngal nul juq nail haqbhoil geeqlaoq hal-u phaoq, Khali yaq juq ya nail jaiq bhoil bhai tavq nail seiqleiq khaoqsail kha dai eeq nail bhai maqkhaiq, Miqyail nul juq bhai khul nail ngel-i mail, noeq thunq nail phaq khal hai jiav nail bhai maqkhaiq, nul juq nail neema lavqkhoel bhai noeq moel nia lal nail haqbhoil, ngal geeqlaoq hal nail ngaol. Neema thaq tsaol nail tsaol-aq pevq nail ngadao nail lavqkhoel bhai ganl nl thail thaiq nail aivq nail bhaqaoq, kha dai eeq nail ganl juq nul juq heeq nia lal dai iqsanl, hal nail ngaol. Ngadao nail lavqkhoel bhai ganl nl nail bhaqaoq al neq, gaq kav dee dee nail bhaqaoq pevq nail ngaol. Miqyail bhaqaoq al bhai juq khi, Khali bhai bhi doevq kovq lal nail ngaol. A bhai nee ngal-aq, Miqyail nqtavq kovtavq bhai aivq nail lavqmal phao bhi jaol deel-a nail ngaol. Miqyail nail lavqmal phao jaol nail Khali neq, uv thaiq nail juq nail kovtavq bhai maqkhaiq, bhaqaoq eeq nail juq nail kovtavq bhai maqkhaiq, gaq kav nail juq nail kovtavq bhai maqkhaiq, heeqphaq iqsanl nail kovtavq bhai maqkhaiq, aqmil khal mil-ai thaq nail iqsanl nail kovtavq bhai maqkhaiq, niil yeel nail lavqkhoel bhai maqkhaiq, yaqhao khe yeel nail lavqkhoel bhai maqkhaiq, eeq dee heel dee dee nail ngaol.

Miltsaq maq teivq-u nee, Miqyail ngadao juq bhai gaiq-a nail ngel-i mail, Khali bhai juq khi ngadao bhai tsel dov lavq-a nail ngaol. Ngadao aivq nail sivtavq bhai tsaolmeeq tsaolhaol khi mail oeqbal thaq nail phaq maq jiav nail tsaol-aq pevq lal dai, Miqyail ngadao juq bhai tsel dov lavq-a nail ngaol. Miqyail Yeiqsul Khali bhaq da nee ngadao bhai iqmoeq-u nee mail aivq nail yaq bhi pevq lal nail haqbhoil noeqceiv-ai thaq nail ngaol. Al hai pevq lal dai, aivq neema tsaq nail ngaol.

Yaqyov nail aqsivq bhaq da nee, Miqyail ngadao bhai hevq kovq lavq khi oeqbal phaiq lavq-a nail ngaol. Aivq nail geeqlaoq eel jaol eeq dee heel dee dee nail ngel-i mail, al hai nl-a nail ngaol.

Ngadao nail Heeqphaq Yeiqsul Khali nail Aqbhu Miqyail bhai tsiq eeq bhel. Aivq neq, Khali bhai juq khi, aqhaqlal phao tavq nail nqtavq khe geeqlaoq yaoq phaq yaoq-ao nee, ngadao juq bhai bivq lavq-a nail ngaol.