Versets bíblics populars de لوکا 8

Comparteix

بله شَرّێن زمینا رِتکگێن تُهمانی مانا هما مردم اَنت که هُدائے هبران گۆشَ دارنت و په سِتک و دل و پاکێن نیّتے آیانی سرا اَملَ کننت و په سبر بَر و سَمرَ کارنت.

چِرِکّ و ڈَنگرانی تها رِتکگێن تُهمانی مانا هما مردم اَنت که هُدائے هبران اِشکننت، بله زندئے جنجال و زَرّ و مال و ائیش و نۆشان مانَ گیشّنت و بَر و سَمرَ نئیارنت.

ڈَل و ڈۆکێن زمینا رِتکگێن تُهمانی مانا هما مردم اَنت که هُدائے هبرانَ اِشکننت و په گَل و وشّیَ مَنّنت، بله هُدائے هبر آیانی دلا ریشّگ و وَنڈالَ نجننت. کَمّے وهدا وتی ایمانئے سرا اۆشتنت بله آزمائِش و چَکّاسئے وهدا پُشتا کِنزنت.

آییا گۆن وتی مُریدان گوَشت: ”شمئے ایمان کجا شت؟“ مُریدان چه اے اَجَبێن کارا تُرست و بَه منتنت و چه یکدومیا جُستِش گپت: ”اے چۆنێن مردمے که گواتا و آپا هُکمَ دنت و آ هم اِشیئے هُکما مَنّنت.“

راهئے سرا رِتکگێن تُهمانی مانا هما مردم اَنت که هُدائے هبرانَ اِشکننت، بله شئیتانَ کئیت و چه آیانی دلا هُدائے هبران درَ کنت که چۆ مبیت آ باور بکننت و برَکّنت.

چێا که هچّ چُشێن چێرێن چیزّے نێست که زاهر مبیت و هچّ چُشێن رازے نێست که زانگ و آشکار کنگ مبیت.

وهدے جنێنا زانت که اے هبر چێر دئیگَ نبیت، لَرزانا آتک و ایسّائے پادان کپت. آییا سجّهێنانی دێما گوَشت که من چێا ایسّا دست جتگ و چۆن هما دمانا چه وتی نادْراهیا وَشّ بوتگان. ایسّایا گوَشت: ”او منی جنکّ! تئیی ایمانا ترا دْراه کرت، په وشّی و سلامتی برئو.“

مُرید ایسّائے گوَرا شتنت، چه وابا پاد کرت و گوَشتِش: ”واجه، او واجه! ما مِرگا اێن.“ آ چه وابا پاد آتک و توپّان و مستێن دریاای هَکّل داتنت. گوات کپت و توپّان اێرمۆش بوت.