Versets bíblics populars de GALEESIAITIƐ 6

Comparteix

A de mɛ lɛ ƃɔlɔ ga faa vagɔ‐ɣɛɛ. Ƃɔvɛlaale ani a dɛ lɛ fii‐ƃɛɛ looni maʋai zu, mawui ɣa lɛɛ na gá, a da su‐lɔnɔ zɔlɔ wo.

Na ma a da kavele ɣaa na, a de faa vagɔ ɣɛ nu pɛ bɛ, niitiɛ da tiɛni de ga kaalaa ɣila zee‐la‐mai zu natiɛ ta dɔ vele ƃɔɔƃɔɔ ma.

A ziɛ ɣiini kpala ʋaitiɛ wu wiɛ ziɛ ga Kolai na tɔgi laa woi na mavele ma.

A mɛ lɛ ƃe gaa‐wɔlɔ gɔ wo ga wiɛ. Gala gɛ lɛ ga nui nu ɣa gaa liti. Ƃɔvɛlaale ŋɛnii nɛpɛ nu ɣa sii tɔ nɔ ɣa manui ɣa gaa vai wulo.

Nui nii ɣá sii‐zii ŋɛni zii ga é yii‐ma ɣɛ nɔ la nu ƃuse lɔtɔi zu, nii yá kulo gá ga gaa vai tɔ ga kpɔɔ zu‐ƃɔnɔ‐woga. Kɛ̀ nui nii yá sii‐zii ŋɛni zii ga é wulo Gala baa ŋinɛgi lɔnɔ ma, nii manui ɣa sɔlɔ wo Gala baa ŋinɛgi ya ga ná sii‐zii ŋɛnii ɣaa vaa towaa ɣɛ ga zɛʋui nii kwɛ̃ɛ gɛ lɛ ba.

Nà numaa, ani nu ɣa faa yowũ ɣɛɛ na ɛ́ lɛ gaa ɣilini, waitiɛ Gala baa ŋinɛgi é wo yii zu, wa ɣa wa kɛ manui loo zu ga sɛ‐sɛ‐bo pele wiɛ. Wɛlɛ ƃɔɔ maazu va, kɛɛ ʋaa ma tɛ‐ga mɛ lɛ wo ga yìɛ yà ƃalaa.

Ƃɔvɛlaale ani nu nɛpɛ ka ɣi gaa ziɛ na ga tɔ ga nu mazii ta, tɔwɔ ɛ́ lɛ le, a kɛ tii tɔ ƃɔɔ ɣaa wɔlɔsu. Ƃe ba nu ɣile‐giledai é ɣaazu lɛ ga ɣɛɛ ʋai é zii la. Na ɣa ɣɛɛ na nii yá manui yii la towaa ziɣi kɛ́ɛ ʋai la, ɛ́ lɛ ga kɛ́ɛ ʋai wo‐kɔ̃ɔ fai bɔɔ nu na dɔ ma. Ƃɔvɛlaale kɛni nu ɣile‐giledai ɣa ƃɔɔ ɣasɔi ziɣi.