Versets bíblics populars de ƐFƐSƆITIƐ 1

Comparteix

Gà ɣɛ felizu ga wo ɣi daa ɣa wodo na ŋɛ na, wo ki‐togi nii wɛ̃ɛ é wo liliga ma wiɛ saala‐ma ŋɛni lama‐lamagi wɛ̃ɛ é zéea ná dɔ numaitiɛ zaama. Na ɣa ɣɛɛ na wo kwɛ̃ɛ ga velei ná gaa‐ƃai wala wɔɔlɔi la de zaama, dai de maʋaa ziɣia ga gaama. Na ɣa ga gaa‐ƃaa lii walai na é maʋaa maala leveni Kolai zaala zu, tei é bu ziɣini saa ya é kɛ é zei ga zee‐za‐su vele gee wɔlɔgi zu. Gwala lɛɛvɛ masada ɣaazɔ maazu vele. Tɛɛvɛ gaa‐ƃaa pɛ maazu ta gɔmɛti ʋaa ɣaazɔ é vɛɛ maazu‐ʋaa‐wo‐bo faa ɣaazɔ va. Na ɣa ɣɛɛ na ná daa‐zeigi ɣa daa‐zeigi ɣaazɔ maazu da tili. Ɛ́ lɛ nɔ ga ŋeteai nii zu laa‐zeiga, kɛ̀ niitiɛ ƃalaa te ŋeteai zɔi zu é vaazu wulozu.

Ŋeteai maʋaa lɔɔ ɔ́ teɣa ɣɛ zeizu é yee ƃadoni de va Kolai zaala zu ga a de maa wuo maa‐wulo‐zu mɛ lɛ ɣɛ de va gáazu. Ná wõilai mavele ma é ná yɛni ná luo é yee la ga diɛ ga de ɣɛ ga dea Ziizɛ Kolai zaala zu. É nii ɣɛɛni ga é yii‐mai maʋaa laa zo

Wũ‐maa‐wogi woga ga diɛ de ɣɛɛ vele ma su ɣilekpu a da duini, na ɣa ɣɛɛ na da lɔ‐kãla‐ŋala tuoi zu ʋaa yɛ dui ƃɔɔ maŋamai zaala zu. É nii ɣɛɛni ga velei ná maa‐wõi‐ɣaa ƃɔ‐bai wɔɔlɔi la.

Kaze lɛ Galagi nii ma é ga de maliɣii Ziizɛ Kolai keea é ga ná Galagi! Tuuyiɛi nɛpɛgi é zéea gee wɔlɔgi zu é toa de ma de ɣɛɛ vele ma su ɣilekpu da Kolaini.