Versets bíblics populars de GALEESIAITIƐ 5

Comparteix

Kɛ̀ Gala baa ŋinɛgi lɔnɔi ɣa ga wõila, kuu‐zu‐nɛɛ, zii‐laa, zii‐lɔɔ, tuola nɛɛ, tuo vagɔ, nu ɣɛɛ ʋai ga nui nu ɣa laa la, nu zɛ‐sɛ‐boga ta nu zu‐zo fai faa ma. Tɔ gɛ lɛ lɛɛni na ɣavele ʋaitiɛ ma.

Nii gè bosu towaa. A ziɛ ga Gala baa ŋinɛgi na deʋei wo mɛ lɛ nu ƃuse yii‐ma ʋaa ziɣi ga zii‐ma‐ɣɛɛ.

Ani Gala baa ŋinɛgi ɣa a de yɛʋuzu sáala zu, a de ziɛ ga Gala baa ŋinɛgi ʋo‐foi ƃalaa pɛ.

Tɔwɔ nu ƃuse yii‐ma ʋaitiɛ é vɛɛ mawõi‐leve‐mai va ta te maɣi‐gaa‐ziɛi, taitiɛ te ga Ziizɛ Kolai na dɛitiɛ te ƃe tevea ba è ɣɛ nu ɣa ŋɛni ƃako gulu ma.

Tɔwɔ nu ƃuse yii‐ma ʋai maluoitiɛ ɣaa wodovɛ. Ta ga wɛ̃ɛ‐ziɛ‐boga, nu‐wɔtɔ tuo‐woga, ƃaa‐wulo‐ma luo‐woga, maa‐niini gala‐felia, maa‐wɔlɔ‐wɔlɔ sale yeke‐kɛɛ, sili, kpɔɛ, tolo, zii‐ɣaa‐wãla, nu ƃalaa nɔ ƃɔɔ ʋaa ma, daa‐za‐wuloa, gaa‐yowũ, kuu‐zu‐yowũ‐ma, dɔɔ‐ƃakpa‐ƃoalea, zɔɔ‐zɔɔ gaa‐wo‐boga é yɛsu sa é lii la. Gà wo lɛnɛsu è ɣɛ velei gè wo lɛnɛga la wɔlɔ, ga taitiɛ ta na ɣavele ʋaitiɛ ɣɛ te wɔɔ laa lɛ ɣɛɛ Gala na masadai va.

Nà numaa, te wo liliga ga wo ɣɛ ga wɔɔlɔa. A mɛ lɛ nɔ wa yee‐laa‐ʋũi fai ziɣi ga fai é pele wuloa ga wiɛ nu ƃuse yii‐mai‐ɣɛɛ ʋaa ma. Kɛ̀ a ɣɛ ga ɣiini ta mɔɔlɛ‐wo bea wõilai zaala zu.

Ƃɔvɛlaale nu ƃuse yii‐ma ʋai ƃɔga Gala baa ŋinɛgi tɛ lɛ zolowoga. Na ɣa ɣɛɛ na Gala baa ŋinɛgi yii‐ma ʋai ƃɔga nu ƃuse yii‐ma ʋaa tɛ lɛ zolowoga. Toku ge zei ga fai niitiɛ ta wɔɔzu ɣii wɔ. Nii wa ɣɛ wo kɛ tiɛ wo ƃe teve kɛ́ɛ va.

Ƃɔvɛlaale Gala na tɔgi laa woi ɣaazɔ laa‐zɔ bogɛ woo ŋɛɛ ɣilagi nii zu ponɛi Gala kɔlɔi zu. Na ɣa ga “Wõi ga è wɔɔ nu è ɣɛ velei è ƃɔɔ wõini la.”

A de mɛ lɛ wɔɔlɔ ƃɔɔ ɣaazu. A de mɛ lɛ ɣiini zii‐ɣaa‐wãla ʋaa ɣɛ. A de mɛ lɛ kuu‐zu‐yowũ wulo ga ɣiini.

Kolai de wũ maa woga ga de ɣɛ wɔɔlɔlai zu. Na ma a lo kpãa. A mɛ lɛ laa zei bu wɔnɔ wɔ ɣili ga duo ɣalu.