Versets bíblics populars de Romanos 9

Comparteix

Mãga jarada perã, kꞌawa pꞌanɨ Tachi Akꞌõrepa eperãarã jɨrɨtꞌerapari kꞌaripaitꞌee, ichia ãchi chupɨria kꞌawaa kꞌinia bairã. Jɨrɨtꞌera–e ãchia mãga kꞌinia pꞌanadairã maa–e pɨrã ne–inaa pia wa kꞌachia oo pꞌanadairã.

Mɨa mãga jara bɨ Tachi Akꞌõrepa Moisemaa nãga jarada perã: ‘Mɨa chupɨria kꞌawaaitꞌee mɨa chupɨria kꞌawaa kꞌinia bɨɨrã. Pia akꞌɨitꞌee mɨa pia akꞌɨ kꞌinia bɨɨrã.’

Mɨa ma iidida nãga pꞌanautꞌee. Pɨ na pꞌekꞌau eujãdepema. Mãga bɨta, ¿Tachi Akꞌõrepa ne–inaa oopari iidiipia bɨkꞌã? ‘Ma awara pɨ, Akꞌõrepa ooda, iidiipia bɨkꞌã: “¿Sãapꞌeda mɨ nãgá oojima?” ’

Mãga jarada perã, kꞌawa pꞌanɨ Tachi Akꞌõrepa chupɨria kꞌawaapari ichia chupɨria kꞌawaa kꞌinia bɨɨrã mãikꞌaapa kꞌɨɨrɨ kꞌisuapipari ichia mãgá oopi kꞌinia bɨɨrãmaa.

Kꞌĩsíaji nãgɨde. Chokꞌo kꞌaparipa ichi yooro pꞌe iru bɨdee chokꞌo kꞌĩra tꞌãdoo kꞌapari, ichia kꞌinia bɨkꞌa. Ma yoorodee kꞌai chokꞌo pi–ia fiestadee ateeitꞌee mãikꞌaapa aɨ yoorodee kꞌai chokꞌo jĩpꞌaa teeda iru baitꞌee.