Versets bíblics populars de Pahayag 12

Comparteix

Nagtagumpay na ang ating mga kapatid sa pamamagitan ng dugo ng Kordero at ng kanilang patotoo. Hindi nila pinahalagahan ang kanilang buhay maging sa harap ng kamatayan.

Pagkatapos, narinig ko ang malakas na tinig mula sa langit na nagsasabi: “Dumating na ang kaligtasan at kapangyarihan, at ang kaharian ng Diyos at ang awtoridad ng Mesias. Sapagkat ang umaakusa sa ating mga kapatid na nagpaparatang sa kanila araw at gabi ay ibinagsak na sa mundo.

Kaya itinaboy ang malaking dragon; ang ahas noong unang panahon na diyablo o Satanas na nanlilinlang sa buong mundo. Itinapon siya sa lupa kasama ang kanyang mga anghel.

Kaya magalak kayong mga naninirahan sa kalangitan! Ngunit nakakakilabot ang sasapitin ninyo, kayong mga nasa lupa at dagat sapagkat bumaba na sa inyo ang diyablo. Siyaʼy puno ng galit sapagkat alam niyang ang oras niya ay maikli na lamang.”

Pagkatapos nito, nagkaroon ng digmaan sa langit. Nakipaglaban si Miguel at ang mga kasamahan niyang anghel sa dragon. At lumaban din ang dragon at ang kampon nʼyang mga anghel.

Lalo pang nagalit ang dragon kaya nilusob niya ang iba pang mga anak ng babae. Itoʼy walang iba kundi ang mga taong sumusunod sa mga utos ng Diyos at sa mga katotohanang itinuro ni Hesus.

Pagkatapos nito, isang dakilang tanda ang lumitaw sa langit: isang babaeng nakadamit ng araw at nakatuntong sa buwan. May korona sa kanyang ulo na may labindalawang bituin. Buntis siya at manganganak na, kaya dumadaing siya dahil sa matinding sakit.

At nanganak nga ang babae ng isang sanggol na lalaki na siyang “maghahari sa lahat ng bansa sa pamamagitan ng kamay na bakal”. Inagaw agad ang sanggol at dinala sa Diyos doon sa kanyang trono. Ang babae naman ay tumakas sa ilang, sa isang lugar na inihanda ng Diyos para sa kanya, upang maalagaan siya roon sa loob ng 1,260 araw.

May isa pang dakilang tanda akong nakita sa langit: isang malaking pulang dragon na may pitong ulo at sampung sungay na may korona sa bawat ulo. Tinangay ng buntot niya ang ikatlong bahagi ng mga bituin sa langit at itinapon sa lupa. Tumayo ang dragon sa harap ng babaeng manganganak na upang lamunin ang sanggol sa oras na isilang ito.

Ngunit binigyan ang babae ng dalawang pakpak na tulad sa malaking agila upang makalipad sa isang lugar sa ilang na inihanda para sa kanya. Doon siya aalagaan sa loob ng tatloʼt kalahating taon, malayo at ligtas sa dragon. Kaya mula sa bibig ng dragon, nagbuga ito ng tubig, na parang ilog upang tangayin ang babae sa agos nito. Ngunit tinulungan ng lupa ang babae. Bumuka ang bibig nito at hinigop ang tubig na galing sa bibig ng dragon.