Psalms 2
2
1တိုင်းနိုင်ငံများသည် အဘယ်ကြောင့် ဆူပူပုန်ကန်ရန် ကြံစည်နေကြသနည်း။ လူတို့သည်လည်း အဘယ်ကြောင့် အကျိုးမရှိသည့် အချည်းနှီးသောအရာအား ပြုလုပ်ရန် ကြံစည်နေကြသနည်း။ 2ကမ္ဘာမြေကြီးပေါ်ရှိ ရှင်ဘုရင်တို့သည် ပုံကန်ထကြွက၍ အုပ်ချုပ်သူခေါင်းဆောင်တို့သည်လည်း အတူတကွ စုဝေးကြကာ ဘုရားရှင်နှင့် ကိုယ်တော်ဘိသိက်ပေးထားသည့် အရှင်အား ဆန့်ကြင်ကြလျက် 3"သူတို့ ချည်နှောင်ထားသည့်အရာများအား ငါတို့ဖြတ်ကြစို့။ သူတို့ ချည်နှောင်ထားသည့် ကြိုးများအားလည်း ငါတို့ထံမှ ဖယ်ရှားကြစို့" ဟုဆိုကြ၏။ 4ရွှေမြို့တော်၌ ထိုင်လျက်ရှိတော်မူသည့် အရှင်သည် ရယ်မောတော်မူ၏။ ဘုရားရှင်သည်လည်း သူတို့အား ပြက်ရယ်ပြုတော်မူ၏။ 5ထို့နောက် ကိုယ်တော်သည် သူ၏အမျက်တော်ဖြင့် သူတို့အားမိန့်တော်မူ၍ သူ၏ပြင်းထန်သော အမိန့်တော်ဖြင့် ကြောက်ရွံ့တုန်လှုပ်စေတော်မူကာ 6"ငါ၏မြင့်မြတ်သော ဇိအုန်တောင်ပေါ်တွင် ငါ၏ရှင်ဘုရင်အား ငါသည် ခန့်အပ်ထားတော်မူပြီးဖြစ်၏" ဟု မိန့်တော်မူ၏။ 7ဘုရားရှင်၏ ပြဌာန်းချက်အား ငါပြောကြားမည်။ "သင်သည် ငါ၏သားတော်ဖြစ်၏။ ယနေ့ပင် ငါသည် သင့်အား ဖွားမြင်စေတော်မူပြီဖြစ်၏။ 8ငါ့ထံမှတောင်းလျှောက်လော့။ တောင်းလျှောက်လျှင် တိုင်းနိုင်ငံအားလုံးတို့အား သင်၏အမွေအဖြစ် ငါသည်ပေးတော်မူ၍ ကမ္ဘာမြေအစွန်းထိတိုင်အောင် သင်ပိုင်ဆိုင်သည့်အရာများ ဖြစ်စေမည်။ 9သင်သည် သံလှံတံဖြင့် သူတို့အား ကျိုးပဲ့စေပြီးလျှင် သူတို့သည် မြေအိုးကဲ့သို့ အစိတ်စိတ်အမြွှာမြွှာ ရိုက်ခွဲခံရလိမ့်မည်" ဟု ငါ့အား မိန့်တော်မူ၏။ 10ထို့ကြောင့် ရှင်ဘုရင်တို့၊ ဉာဏ်ပညာအသိဖြင့် သတိရှိကြလော့။ ကမ္ဘာလောကရှိ တရားစီရင်သူတို့ ဆုံးမပဲ့ပြင်ခြင်းကို ခံယူကြလော့။ 11ကြောက်ရွံ့သောစိတ်ဖြင့် ဘုရားရှင်၏ အမှုတော်ကို ဆောင်ရွက်ကြလော့။ ကြောက်ရွံ့တုန်လှုပ်လျက် ရွှင်လန်းဝမ်းမြောက်ကြလော့။ 12ကြောက်ရွံ့တုန်လှုပ်လျက် ကိုယ်တော်၏ ရှေ့တော်တွင် ဦးညွှတ်၍ ပျပ်ဝပ်ကြလော့။ ထိုသို့မပြုလျှင် ကိုယ်တော်သည် အမျက်တော်ထွက်၍ သင်တို့သည် ဧကန်မုချ သေကြေပျက်စီးကြလိမ့်မည်။ ကိုယ်တော်ထံသို့ ချဉ်းကပ်၍ ခိုလှုံကြအပေါင်းတို့သည် မင်္ဂလာရှိကြ၏။
Избрани в момента:
Psalms 2: TPV-RV
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.