ATHƐSALONIANAƐ NSENDƐ 3
3
1Labiɛ yɛ hi chenlan pɛ bɔ muyuɛ, hi ye wɔŋniŋkɛn ha hin gbo le veleŋ Athɛnsko, 2ni hiye wom Timothi, pɛnte hiyɛ ni womnɔ Hɔbatokɛ Womdi Yegbe Kraystay, ha kanɔ ntɔŋ kathil laanɛ nɔay ni ha thɛlɛ nɔni, 3Ha ŋgbathilo ma pakali nɔ gbi. Ŋan fuli ŋa siɛ lɛ hi ha ke gbathil. 4Haliwɔ yɛ hi ka che ni ŋandɛ, hi ka hɔm nɔla kɛ hi bi ha ke ŋgbathil; ni la hini ke ki, ni sɔŋgɔma ŋa silaɛ. 5Ha lanɔ ki, yɛ ya chelan pɛ bɔ muyuɛ, yae wom ni ya si laanɛ nɔɛ, kwathay lɛ min sɔyandɛ koŋ nɔ sɔyɛni ni ker hiɛ kɔ bi hache thanthɛn.
6Kɛ yɛlayo yɛ Timothi koŋ ni hun kohiko hiŋg handɛ, ni koŋ hi chiɛ womdi yegbe laanɛ nɔɛ ni nchɔŋmalen ni hɔm hiɛ lɛ ŋa hi tɛniɛni mɛŋk gbi ikɛlɛŋay ni ha koŋ che ŋgbelŋgbel ha kehiɛ, sɔŋgɔma hinbɛ hi yema nɔ keɛ. 7Ha lanɔki, anyami ŋgbathil ma hiay ni thenɛki hiɛ hi koŋ sɔthɔ thɛthɛ gbɔl ka laanɛ nɔɛ; 8ni yɛlayoɛ hi mu, yɛ ŋa sɛmɛ gbo kath Bɛɛay. 9Chɔŋ sɛkɛ handɔ kɔ hi bi ha wɔŋ ko Hɔbatokɛ ha ŋanaa, ha imɛmindɛ gbi hɔ hi koŋ theni ha ŋan Hɔbatokɛ hiɛ che, 10hi sɛli kath ichɔl ni ipal chelɛ hi nɔ bɔ ke ŋanayɛn ni hi nɔe ka yendɛ ŋɔ ŋa biɛni laanɛ nɔayɛ?
11Yɛlayo ha Hɔbatokɛ hiɛ ni Baaɛ wɔn fuli, ni Bɛɛ hiɛ Jisɔs, bɛmpa nayɛ ha hun konɔko; 12ni ŋa Bɛɛ bɛrɛ ni ŋa bi chɔŋmalen ko han dɛndɛ ni ko nɔ-o-nɔ gbi, sɔŋgɔma hi ha ko-nɔ-koɛ, 13chelɛ wɔ kathali gbɔl thi nɔɛ ni ŋa ma bi nthɛkɛ che charaŋay Hɔbatokɛ hiɛ ni Baaɛ che, mɛŋkɛ yɛ Bɛɛ hiɛ Jisɔs bi ŋa hunma ŋanɛ ha charaŋdɛ.
Избрани в момента:
ATHƐSALONIANAƐ NSENDƐ 3: SNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
Sherbro New Testament Portions © Bible Society in Sierra Leone, 2020.