Римвийриз 10
10
1Стхаяр-вахар, зи рикӀин мурад ва за Аллагьдиз ийизвай дуьа зи халкьдин векилар хилас хьун паталай я. 2Зун абуру гъайрадалди#10:2 Гъайрадалда – гзаф рикӀ гваз хьун. Аллагьдихъ ялзавайдан шагьид я, амма абурун гъайра чирвиле бине авунвайди туш. 3Аллагьди гузвай гьахъ-михьивилин гъавурда такьаз ва чпин хсуси алахъунралди гьахъ-михьивилив агакьиз кӀанз, абур Аллагьдин гьахъ-михьивилихъ тухузвай рекьиз муьтӀуьгъ хьанач. 4Месигь Къанундин мурад я, инлай кьулухъ гьахъ-михьивал имандаллай гьар садав агакьзава.
Вирибур патал хиласвал
5Къанундив кьур гьахъ-михьивал Мусади икӀ кхьена къалурзава: «ШартӀар-къайдаяр кьилиз акъудзавайдал абур себеб яз чан алаз жеда»#Леви 18:5.. 6-7Иман гвай касдикай имандив кьурвал гузвай гьахъ-михьивили Каламда лугьузва: цаварай Месигь гъун патал «Цаварал вуж хкаж жеда?»#Киххьей Къанун 30:11-14.. Ва я: кьенвайбурукай Месигьдал чан хкун патал «„Гургусдиз#10:6-7 Гургус – кӀан квачир зурба дагьар хьтинди. вуж эвичӀда?“ – лагьана хабар кьамир». 8Амма гьахъ-михьивили вуч лугьузва? «Гаф ваз мукьва я, ам ви мецел ала ва ви рикӀе ава». Им чна вичикай вяз ийизвай имандикай тир гьа гаф я! 9Вуна Иса Ребби я лугьуз тестикьзаватӀа ва Аллагьди Адал кьейидалай кьулухъ чан хкайдахъ вуна мецелди ва рикӀелди иман ийизватӀа, вун хилас жеда. 10Вучиз лагьайтӀа рикӀелди иман авуни инсандиз гьахъ-михьивал гузва, мецелди тестикь авур шагьидвили хиласвал гъизва.
11Каламди лугьузва эхир: «Адахъ иман ийизвайдаз садрани регъуь жедач»#Яшай 28:16.. 12И карда чувуддинни муькуьдан арада са тафаватни авач – гьа са Ребби виридан Ребби язва ва Ада Вичиз эверзавай вирибуруз булдаказ нуьсрет гузва. 13ГьикӀ лагьайтӀа «Реббидиз эверай гьар сад хилас жеда»#Яил 2:32..
14Амма абуру чпи иман Тавурдаз гьикӀ эверрай? Вичикай ван Тахьайдаз гьикӀ иман ийида? Абуруз садани вяз ийиз тахьайтӀа, гьикӀ ван жеда? 15Ракъурнавайди тушиз, са нивай ятӀани вяз гьикӀ ийиз жеда? Кхьенвайвал я: «Шад Хабардикай вяз ийизвайбурун кӀвачер хупӀ иер тушни!»#Яшай 52:7.
16Амма Шад Хабардиз вири муьтӀуьгъ хьанач. ГьикӀ лагьайтӀа, Яшая лугьузва: «Я Ребби, чавай ван хьайидан вуж чӀалахъ хьана?»#Яшай 53:1. 17Гьа икӀ ван хьайи хабардилай, Месигьдикай тир гафунилай иман къвезва. 18Амма за хабар кьазва: абуруз ван хьаначни бес? Гьелбетда, ван хьана, гьикӀ лагьайтӀа кхьенва:
«Абурун ван физва вири чил тирвал,
абурун гафар агакьзава а кьилив кьван дуьньядин» #
Забур 18:5. .
19ИкӀ тирла, за хабар кьазва: Исраил идан гъавурда акьазвачир жеди? Сифте яз бес Мусадини Аллагьдин гафаралди лагьанай эхир:
«Чпиз халкь я лугьуз тежербурун куьмекдалди
За квек гъайра # 10:19 Гъайра – вич кӀае тежез, масад кӀан хьунухьин кичӀевал. уяхарда;
ахмакь халкьдалди За квек хъел кутада» #
Киххьей Къанун 32:21. .
20Яшая лагьайтӀа викӀегьдаказ Аллагьдин гафар лугьузва:
«Захъ къекъуьн тавурбуруз жагъанва Зун;
Завай хабар такьурбуруз ахъа хьанва Зун» #
Яшай 65:1. .
21Амма Исраилдикай Яшая лугьузва:
«Яргъи югъди За Зи Гъилер яргъи авунай
муьтӀуьгъ тушир ва аси халкьдиз» #
Яшай 65:2. .
Избрани в момента:
Римвийриз 10: ЛезПК
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Институт перевода Библии, 2010-2024