1-Каринфвийриз 8
8
Бутриз къурбанд авунвай тӀуьникай
1Гила бутриз къурбанд авунвай тӀуьнрин месэладикай. Чаз виридаз чирвал авайди чаз раиж я, амма чирвили инсанрин кьама ял твада, муьгьуьббатди несигьат гуда. 2Вичиз са вуч ятӀани чизва лугьуз фикирзавайдаз гьакъикъатда гьеле лазим тир саягъда чизвач. 3Амма Аллагьдиз Вич низ кӀанзаватӀа чир хьанва.
4Гьа икӀ, бутриз къурбанд авунвай тӀуьнрикай. Чаз малум я хьи, дуьньяда чпиз икрамзавай бутар са затӀарни туш, ва са Аллагьдилай гъейри масад авач. 5Чпел «аллагьар» тӀвар алайбур аватӀани, кӀандатӀа абур цава хьурай, кӀандатӀа чилел – рикӀивайни жуьреба-жуьре «аллагьар» ва «агъаяр» гзаф ава, – 6амма чун паталди авайди анжах са Аллагь Буба я, чун вири Гьадалай я, Гьам паталди чна уьмуьр тухузва ва анжах са Ребби Иса Месигь я, Гьадалдини вири арадал атана ва Гьадалди чна уьмуьр къачуна. 7Амма виридаз и кар малум туш. Бязибур икьван чӀавалди бутрив акьван вердиш хьанва хьи, абуру ахьтин тӀуьн недайла, абуру адакай къурбандриз ганвай тӀуьникай хьиз фикирзава. Гьа береда абурун зайиф вижданди абуруз чеб михьибур туширди лугьузва. 8Амма тӀуьни Аллагьдиз мукьва жез куьмекзавайди туш. Чна са затӀ нен тийиз хьайитӀа, чаз пис жезвач, чна нез хьайитӀани, чаз хъсан жезвач. 9ЯтӀани, килиг, тӀуьн хкягъунин жигьетдай куь азадвал зайифбур патал кӀвач галкӀидай къван жедайвал тахьурай. 10Вучиз лагьайтӀа садаз, ваз и чирвал аваз, вуна бутриз ибадат ийизвай кӀвале нез акуртӀа, ви гуьгъуьналлаз зайиф виждан авай гьадавни бутриз къурбанд авунвай тӀуьн нез тадачни? 11Гьа икӀ ви чирвили вичин паталай Месигь кьейи зайиф стха-вах телефда. 12И саягъда стхайрин-вахарин аксина гунагьар ийиз ва абурун зайиф виждандал хер ийиз, куьне Месигьдин аксина гунагьар ийизва. 13Гьавиляй, зи тӀуьниз килигна зи стхади-ваха гунагь ийизватӀа, за як гьич тӀуьн тавун хъсан жеда – идалди стхадив-вахавни гунагь ийиз тун тавун патал.
Избрани в момента:
1-Каринфвийриз 8: ЛезПК
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Институт перевода Библии, 2010-2024