Yela 74
74
Israel harɛ nɛra lɛɛ wesoŋa
Asaf yel
1N Naa Korowii,
ɛrɛɛ he den vɛh yaa
kwaraa ɡɛ nɔɔ?
Saŋ besoo hɛɛ nyin
he baah di he ɡbabir
nɛra nɛɛ ka tel ɔ?#2We 29:30
2Lii he nɛra saŋ la haa
lee ba cheɡ tɛ he te la wa,
nɛra haa lɛɛ ba le fiiɡa
baa dɛ fiɡ ba ta.
Lii Saayɔn Bwejen he fa aa
soɡe o ta la wa.
3Ba dɛ́ ba na he Dea
ya dɔma aa kuuɡu,
o chɔɡ dɛ berɛ dimɡbia la.
4He dɔma moolo dɛɛ hɛɡre
he Dea la bini,
ba kpɔ ba fraŋkaare pa,
a baɡle kɛŋɔ ba pɔ ya nɛ.
5Ba do kɛŋɔ nɛra baa kpɔ
kpanfɛre dɛɛ teŋni daa ken.
6Ba kpɔ ba kpanfɛre
ne ba saahne chɔɡ kwaa
baa kpɔ daa sɛah la bwa.
7Ba fuh he Dea la, dɛ kpɔ
doŋa kah bela baa dɛ tomɛ
la.#2Ko 25:9-10
8Ba bol dɔŋa be ŋɔ,
“Yaa chɔɡ baa kwaraa!”
Ba fuh dea bɛlbwa baa dɛ
tomɛ
hen Korowii o ta harɛ la ta.
9Korowii keamere toole kpa,
ásɛ ya na he
nyokpowe-ɛɛla.
Nomɛlbwa ɡe aa jemɛ saŋ
ya wenaale aa ba a jaɡa.
10N Naa Korowii,
saŋ besoo ya dɔma
mamɛ ka tel ɔ?
Bá na dɛ́ bol waa dɛɛ yaɡɛ
he sɔn saŋ bɛlbwa ɡɛ kɛɛ?
11Ɛrɛɛ he laa sie kpɔ ya nɛ
haa wola yaa ba cha nɔɔ?
Ɛrɛɛ he fɔɔ nɔɔra
haa wola ba deŋnee
ba tɛr nɔɔ?
12N Naa Korowii,
henee Kooro le saŋ la bwa,
henee bala dɛ́ ba lɛ harɛ nɔ
ta nɛra.
13He cheɡɛ he kpeɡri
kohona ta, dɛ ɡel mpo
pere,
dɛ paɡre mpo bini oljena
nyuune.
14Henee paɡre mpo
bini oljen baa dɛ
yerɔ Lɛvayatan la nyuune,
dɛ kpɔ tɛ pua hɛŋle ɡbo
harɛ
ta olchɔɡa a di.
15He ɡelɔ buli
ne nenabɔɔne ɛɛ palɛ,
dɛ ɡel mojena hweeh.
16Henee ta bɔchaah ne biro,
dɛ kpɔ wee ne korobie
cheɡ a chebɔra,
17henee bil harɛ jwɛhre,
dɛ ta bwaala ne
lɔmɔɡa saŋ.
18N Naa Korowii,
na ɡɛ he dɔma
aa dɛ mamɛ,
na ɡɛ nɛra baa wola
hen tomɛ aa dɛ ɛɛ nɛnhɛla.
19Bɛ he nɛra baa ɛ nɛŋɡwɛɡra,
ɡel tɛ ba dɔma ba nyu bini
aa kpeɡa kohona nɔ.
Bɛ he nɛra baa dɛ ɛɛ ba
hɔhɔrɔwa la waa soh.
20Lii fɔo ya ne haa fɔwa la wa.
Nɛra sɔɔh dɛɛ ɛ naɡrenyin
we-ɛɛla biro bini,
harɛ nɔ ta bwa.
21Bɛ ɡel sihiih kpo
nɛra baa dɛ fiɡ ba la,
ɡel nyaara ne nɛŋɡwɛɡra
kpɛɛ he sɔn.
22N Naa Korowii, ir
nyu ne, dɛ́ nyiŋi he waa ta,
dɛ́ dɔ waane bol,
bɛ soh kɛŋɔ ɡɛna dɛ mamɛ
saŋ bɛlbwa.
23Bɛ ɡbɔɡa he dɔma aa doa
dɛɛ muɡli he baah la soh,
ɡbɔɡa he dɔma aa teŋa dɛɛ
do la.
Избрани в момента:
Yela 74: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.