Yela 75
75
Korowii waa dɛ pa bole
Asaf yel
1N Naa Korowii,
ya kpɔ jam dɛɛ tɛɛ,
ya dɛ bol kan haa doa,
ne nyokpowaa haa ɛa wa.
2Korowii ŋɔ, “N le saŋ
bɛl cheɡ dɛ́ bol nɛra wa,
dɛ́ pa bole aŋwɛnɛ ta.
3Dɛ harɛ jiɡro
Korowii kontaala bwa ɛɛ
chel aa,
mɛɛ ɡeloo kwaa aa
lawɔ kpoŋe la che kiŋkiŋ.
4N dɛ ŋɔ mbarafo tena be ŋɔ,
‘Hé ɡel mbarafo ɛɛ’,
dɛ ŋɔ nyubinikpeɡ tena ɡe
be ŋɔ, ‘Hé ɡel
mbarafo wobol bola.
5He bɛ waa bol yaɡɛ
men Korowii.’ ”
6Nɛra waa bola dɛ́ pa bole
toole wee leebɔr kɛɛ wee
cholibɔr,
weekaŋle harɛbɔr kɛɛ
weekaŋle nyundua.
7Korowiirii bol
nɛra waa dɛɛ pa bole.
Onee dɛɛ pa boldɛɛɡe,
dɛɛ pa bolchɔɡe ɡe.#1Sa 2:7
8Korowii kpoŋe numol,
o bandia aa do kɛŋɔ
danana nee suu.
O fuɡa kɛŋɔ seŋkpeɡa tɛ
nyubinikpeɡ tena bwa ba
nyɔ,
ba nyɔ a bwa a tonɛ
kwaraa.
9Kɛ n te, maa Korowii
Israel tena aa dɛ tomɔ
waa bolaa ɡel
saŋ bɛlbwa bwa,
mɛɛ ɡo kpɛɛra yelaa tɛo.
10Wɛɛ sɔɔh kpeɡri nɛnchɔɡa
aa dɛ di la nyoaa,
kɛ nɛra ba wa aa toɡra te,
wɛɛ berɔ tɛɛ ba bokpeɡa.
Избрани в момента:
Yela 75: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.