Yela 67
67
Korowii jaama
Kooro Devid yel
1N Naa Korowii, na ya sum
dɛ swee yaa andɛɛɡa,
nyiŋi ya nɛɛ dɛ́ na ya sum,#Kur 6:25
2ásɛ harɛ nɔ ta nɛra bwa
jemɛ waa haa dɛ nyin,
ɡɛ aa ɛ ásɛ ba bwa na
ɡɛ haa won nɛra lɛɛ.#Luk 2:32; Weɛ 9:15
3N Naa Korowii,
ɡel harɛre nɛra bwa
kpɛɛre, kasinteŋ,
a chɛ kɛ bá bwa kpɛɛre.
4Gel harɛre nɛra bwa ɡo silɛɛ
yela,
dɛkalkɛŋɔ he bol waa
dɛɛ pa bole aŋwɛnɛ ta,
dɛɛ baɡ ba ŋwɛnɛ
baa kpɔ o ta.
5N Naa Korowii,
ɡel harɛre nɛra bwa kpɛɛre,
kasinteŋ, a chɛ kɛ bá bwa
kpɛɛre.
6Kondikwa ɛɛ wonoo ɛ
ya harɛ nɔ ta kohona,
Korowii yaa dɛ tomɔ la
ɛɛ swee yaa andɛɛɡaa.
7Korowii ɛɛ swee yaa
andɛɛɡaa,
ásɛ nɛra baa lɔ harɛ jaɡa
bwa ɛɛ tomɔ.
Избрани в момента:
Yela 67: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.